മണ്ണാര്‍ക്കാട്: സമസ്ത കേരള ജംഇയ്യത്തുല്‍ മുഅല്ലിമീന്റെ നേതൃത്വത്തില്‍ മദ്‌റസ തലം മുതല്‍ സംസ്ഥാന തലം വരെ മദ്‌റസ വിദ്യാര്‍ഥികള്‍ക്കും, അധ്യാപകര്‍ക്കുമായി നടത്തുന്ന പാലക്കാട് ജില്ലയിലെ മേഖലാതല കലാമേള ഇന്നും നാളെയുമായി വിവിധ കേന്ദ്രങ്ങളില്‍ നടക്കും. അഞ്ച് വിഭാഗങ്ങളിലായി 60 ഇനങ്ങളിലാണ് മത്സരങ്ങള്‍ നടക്കുക.
മണ്ണാര്‍ക്കാട്, പാലക്കാട് മേഖലാമത്സരങ്ങള്‍ ഇന്ന് കാട്ടുകുളം എ.എല്‍.പി സ്‌കൂള്‍, ആലത്തൂര്‍ മഅ്ദിനുല്‍ ഹിദായ മദ്‌റസ, പട്ടാമ്പി, കൂറ്റനാട്, ഒറ്റപ്പാലം, കരിമ്പ മേഖലകളിലെ മത്സരങ്ങള്‍ മോളൂര്‍ മുണ്ടക്കോട്ടുകുര്‍ശ്ശി സ്‌കൂള്‍, ഇര്‍ശാദിയ്യ യതീംഖാന കുമരനെല്ലൂര്‍, കുറ്റിക്കോട് സെന്‍ട്രല്‍ സ്‌കൂള്‍, നീറുല്‍ ഹുദാ മദ്‌റസ മുണ്ടൂര്‍ നായമ്പാകം എന്നിവിടിങ്ങളില്‍ നടക്കും.
വിവിധ റെയ്ഞ്ചുകളില്‍ നിന്നായി 2000ത്തോളം മത്സരാര്‍ഥികള്‍ പങ്കെടുക്കും.