ചേലക്കര: വൈദ്യുതി ലൈനില്‍ ഉണ്ടായ അമിത വോള്‍ട്ടേജില്‍ ചേലക്കര വെണ്ണൂര്‍ വടക്കേകര മേഖലയില്‍ വന്‍ നാശനഷ്ടം. നിരവധി വീടുകളില്‍ ഗൃഹോപകരണങ്ങള്‍ കത്തിനശിച്ചു. ബള്‍ബുകള്‍ പൊട്ടിത്തെറിച്ചു.
വൈദ്യൂതി ലൈനില്‍ നിന്ന് അഗ്‌നി വീണ് ഒരു വീട്ടിലെ വൈക്കോല്‍ കൂന കത്തിയമര്‍ന്നു ടി.വി ഫ്രിഡ്ജ്,മിക്‌സി എന്നിവയെല്ലാം കത്തിനശിച്ചവയില്‍ ഉള്‍പ്പെടുന്നു.
വടക്കേകര പൂവ്വതിങ്കല്‍ ബാലകൃഷ്ണന്റെ വീട്ടുമുറ്റത്തെ വൈക്കോല്‍ കൂനയാണ് കത്തിയമര്‍ന്നത്. പ്രദേശത്ത് ഇന്നലെ കാലത്ത് മുതല്‍ വൈദ്യുതി തടസപ്പെട്ട നിലയിലായിരുന്നു വൈകീട്ടോടെയാണ് പുനസ്ഥാപിച്ചത് ഇതിന് ശേഷമാണ് അമിത വൈദ്യുതി പ്രവാഹം ഉണ്ടായതും, നാശനഷ്ടങ്ങള്‍ സംഭവിച്ചതും വൈദ്യുതി വകുപ്പ് അധികൃതരുടെ അനാസ്ഥയാണ് സംഭവത്തിന് പിന്നിലെന്ന് നാട്ടുകാര്‍ ആരോപിച്ചു. നാശനഷ്ടം സംഭവിച്ചവര്‍ക്ക് നഷ്ട പരിഹാരം നല്‍കണമെന്നും നാട്ടുകാര്‍ ആവശ്യപ്പെട്ടു..