ജിദ്ദ: ജിദ്ദ ഇന്ത്യന്‍ കോണ്‍സുല്‍ ജനറല്‍ ഫഹദ് അഹമ്മദ് ഖാന്‍ സൂരി, കമ്മ്യൂനിറ്റി വെല്‍ഫയര്‍ കോണ്‍സുല്‍ കമലേഷ് കുമാര്‍ മീണ എന്നിവരുമായി നോര്‍ക്കയുടെ സഊദി ലീഗല്‍ കണ്‍സല്‍ട്ടന്റ് അഡ്വ. ഷംസുദ്ധീന്‍ ഓലശ്ശേരി ചര്‍ച്ച നടത്തി.

കോണ്‍സുലേറ്റുമായി സഹകരിച്ച് കേരള സമൂഹം നേരിടുന്ന നിയമ പ്രശ്‌നങ്ങള്‍ക്ക് ബോധവല്‍ക്കരണ ക്ലാസ്സുകള്‍, സെമിനാറുകള്‍, നിയമ സഹായം ലഭ്യമാക്കുക, കേസുകള്‍ കൈകാര്യം ചെയ്യാന്‍ സാധിക്കുന്ന കാര്യങ്ങള്‍ എന്നിവ ഇരുകൂട്ടരും ചര്‍ച്ച ചെയ്തു. തൊഴില്‍പരമായ പ്രശ്‌നങ്ങള്‍ക്ക് ഇന്ത്യക്കാര്‍ക്ക് എല്ലാവിധ നിയമസഹായവും ലഭ്യമാക്കാനായി ജിദ്ദ കോണ്‍സുലേറ്റ് പ്രഗല്‍ഭരായ സഊദി അഭിഭാഷകരെ നിശ്ചയിക്കുമെന്നും, കേരള സമൂഹത്തിന് എല്ലാവിധ പിന്തുണയും സഹായവും കോണ്‍സുല്‍ ജനറല്‍ വാഗ്ദാനം നല്കിയതായും അഡ്വ. ഷംസുദ്ധീന്‍ ഓലശ്ശേരി അറിയിച്ചു.

സഊദിയിലെ മറ്റ് സാസ്‌കാരിക സംഘടനകളുമായി ചേര്‍ന്ന് നിയമ ബോധവല്‍ക്കരണ ക്ലാസ്സുകള്‍ സംഘടിപ്പിക്കാന്‍ നോര്‍ക്ക തയ്യാറായതില്‍ കോണ്‍സുല്‍ ജനറല്‍ സന്തുഷ്ടി പ്രകടിപ്പിച്ചതായും ഷംസുദ്ധീന്‍ ഓലശ്ശേരി പറഞ്ഞു.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Norka Legal Consultant recently met with the Indian Consul General in Jeddah to discuss key issues related to pravasi welfare. This significant meeting aimed to strengthen ties and address concerns of Indian expats in Saudi Arabia.