ആലുവ: മാധ്യമപ്രവര്‍ത്തകനെ അക്രമിച്ച കേസില്‍ ഒരാള്‍ പൊലിസ് പിടിയില്‍.
മാധ്യമപ്രവര്‍ത്തകനെ മര്‍ദിക്കാന്‍ കൂട്ടുനിന്ന പറമ്പയം പുതുവാശ്ശേരി  കല്ലറക്കല്‍ കബീറിനെയാണ് (48) പൊലിസ്  അറസ്റ്റ് ചെയ്തത്.  
തെരഞ്ഞെടുപ്പ് കൊട്ടിക്കലാശത്തോടനുബന്ധിച്ചാണ് ബാങ്ക് കവലക്ക് സമീപം വച്ച് മാധ്യമം ലേഖകനെ മര്‍ദിച്ചത്. മുഖ്യ പ്രതിയായ ഫിറോസും  കബീറും ചേര്‍ന്നാണ്പത്രപ്രവര്‍ത്തകനെ മര്‍ദിച്ചത്.
സംഭവം നടന്ന് രണ്ടാഴ്ച കഴിഞ്ഞപ്പോളാണ് പ്രതികള്‍ക്കെതിരെ പൊലിസ് കേസെടുക്കാന്‍ തീരുമാനിച്ചത്. രാഷ്ട്രീയ സമ്മര്‍ദ്ദം മൂലം പ്രതികളെ കുറിച്ച് ധാരണയുണ്ടായിട്ടും നടപടിയെടുക്കാതിരിക്കുകയായിരുന്നു.
ഇതിനെതിരെ പല ഭാഗത്തുനിന്നും പ്രതിഷേധം ഉയര്‍ന്നിരുന്നു. എം.എല്‍.എ ഓഫീസ് മാര്‍ച്ച് നടത്തുന്നതടക്കമുള്ള സമരങ്ങളിലേക്ക് മാധ്യമപ്രവര്‍ത്തകര്‍ തിരിഞ്ഞപ്പോഴാണ് പ്രതികള്‍ക്കെതിരെ നടപടിയെടുക്കാന്‍ തീരുമാനിച്ചത്.