മാവൂര്‍: ദേശീയ രാഷ്ട്രീയത്തിലേക്ക് കേരളത്തിന് നല്‍കാനായ അമൂല്യ സംഭാവനയായിരുന്നു ഇ അഹമ്മദ് എന്ന് എം.കെ രാഘവന്‍ എം.പി.
മുസ്്‌ലിം ലീഗ് കൂളിമാട് വാര്‍ഡ് കമ്മിറ്റി സംഘടിപ്പിച്ച ഇ. അഹമ്മദ് അനുസ്മരണവും പ്രാര്‍ത്ഥനാ സദസും ഉദ്ഘാടനം ചെയ്യുകയായിരുന്നു അദ്ദേഹം.
ഇ. അഹമ്മദിനോട് കാണിച്ച അനാദരവിന് ചരിത്രം മാപ്പ് നല്‍കില്ലെന്നും അദ്ദേഹം കൂട്ടിച്ചേര്‍ത്തു. കെ.എ ഖാദര്‍ മാസ്റ്റര്‍ അധ്യക്ഷനായി. പി.ടി.എ റഹീം എം.എല്‍.എ, എം.സി മായിന്‍ ഹാജി, ഒ. അബ്ദുള്ള, എം ധര്‍മ്മജന്‍, ആര്‍.വി കുട്ടി ഹസന്‍ ദാരിമി, യൂ അബ്ദുള്ള ഫാറൂഖി, എന്‍ അലി അബുള്ള, പി.ജി മുഹമ്മദ്, കെ.വി അബ്ദുറഹിമാന്‍, എ.ടി ബഷീര്‍, എന്‍.പി ഹംസ മാസ്റ്റര്‍, എന്‍.പി അഹമ്മദ്, വി.എ മജീദ്, കെ.എ റഫീഖ് എന്നിവര്‍ സംസാരിച്ചു.