നീണ്ട അഭ്യൂഹങ്ങള്‍ക്ക് വിരാമമിട്ട് എം.ആര്‍.അജിത് കുമാറിന് സസ്‌പെന്‍ഷന്‍ നല്‍കി. കഴിഞ്ഞ പിണറായി വിജയന്‍ സര്‍ക്കാറിന്റെ ഭരണകാല ഘട്ടത്തില്‍ നടന്ന 'നവകേരള യാത്ര'യാണ് സംഭവങ്ങളുടെ തുടക്കം. ഇതിനെതിരെ അന്ന് യൂത്ത് കോണ്‍ഗ്രസ് പ്രവര്‍ത്തകര്‍ ശക്തമായ പ്രതിഷേധമായിരുന്നു നടത്തിയിരുന്നത്. 'നവകേരള യാത്ര' ആലപ്പുഴ ജില്ലയില്‍ എത്തിയ സമയത്തായിരുന്നു പിണറായി വിജയനും മന്ത്രിമാരും സഞ്ചരിച്ച ബസിനു നേരെ കരിങ്കൊടി പ്രതിഷേധവുമായി യൂത്ത് കോണ്‍ഗ്രസ് പ്രവര്‍ത്തകര്‍ എത്തിയത്. കരിങ്കൊടി കാണിച്ച യൂത്ത് കോണ്‍ഗ്രസ് പ്രവര്‍ത്തകരെ പൊലിസ് നോക്കി നില്‍ക്കേ ഗണ്‍മാന്‍മാര്‍ ശക്തമായി മര്‍ദിക്കുകയായിരുന്നു.
 
എന്നാല്‍ പിണറായി വിജയന്റെ ഭരണ കാലഘട്ടത്തില്‍ മര്‍ദനത്തിന് തെളിവില്ലെന്നും ദൃശ്യങ്ങള്‍ ഇല്ലയെന്നുമായിരുന്നു പൊലിസ് കോടതിയില്‍ പറഞ്ഞിരുന്നു. എന്നാല്‍ വി.ഡി. സതീശന്റെ  നേതൃത്വത്തിലുള്ള പുതിയ മന്ത്രിസഭ അധികാരത്തില്‍ വന്ന സമയത്ത് ഷൗക്കത്തലിയെ മേധാവിയാക്കി എസ്.ഐ.ടി രൂപീകരിച്ചു. 
പിണറായി വിജയന്റെ ഗണ്‍മാന്‍ അനില്‍കുമാര്‍ സുരക്ഷാ ജീവനക്കാരന്‍ എസ്. സന്ദീപ് എന്നിവര്‍ മാത്രമായിരുന്നു അദ്യഘട്ടത്തില്‍ പ്രതികള്‍. എന്നാല്‍ ഷൈജു, ബിപിന്‍, അനില്‍ എന്നിവരെയും പ്രതികളാക്കി. 'രക്ഷാപ്രവര്‍ത്തനക്കേസ്' മുന്നോട്ടുപോകുന്നതിനിടയിലാണ് എ.ഡി.ജി.പി. എം.ആര്‍. അജിത് കുമാര്‍ കേസ് അട്ടിമറിക്കാന്‍ ശ്രമിച്ചുവെന്ന ആരോപണം വരുന്നത്. എ.ഡി.ജി.പി ഓഫീസിലെ രണ്ട് ഗ്രേഡ് എസ്.ഐമാര്‍ നല്‍കിയ മൊഴിയാണ് അജിത് കുമാറിന് തിരിച്ചടിയായി മാറിയത്.
കേസ് അട്ടിമറിച്ച് കോടതിയില്‍ സമര്‍പ്പിക്കാനുള്ള റെഫര്‍ റിപ്പോര്‍ട്ട് തയാറാക്കാനും നിര്‍ദേശിച്ചത് അജിത് കുമാറാണെന്നാണ് എസ്.ഐമാരുടെ മൊഴി. 
ഇതുമായി ബന്ധപ്പെട്ട് അജിത് കുമാറിനോട് വിശദീകരണം തേടിയിരുന്നു.

എന്നാല്‍ കൃത്യമായ തെളിവുകള്‍ ഉണ്ടായിട്ടും കഴിഞ്ഞ സര്‍ക്കാറിനെപ്പോലെ യു.ഡി.എഫ് സര്‍ക്കാരും നടപടി ഒന്നും സ്വീകരിക്കാതെ അജിത് കുമാറിനെ സംരക്ഷിക്കുവെന്ന ആരോപണം വന്നിരുന്നു. അതിനിടയില്‍ കൊടുത്ത സസ്‌പെഷന്‍ സംസ്ഥാന സര്‍ക്കാറിനെ സംബന്ധിച്ച് ഉയരുന്ന വിമര്‍ശനത്തിനുള്ള മറുപടി കൂടിയാകുന്നു.

Putting an end to long-standing rumors, M.R. Ajith Kumar has been suspended. The origin of these events dates back to the 'Navakerala Yatra' held during the tenure of the previous Pinarayi Vijayan government. Youth Congress workers had staged strong protests against it at the time