പള്ളിക്കര : സമസ്ത കേരള ജംഇയ്യത്തുല്‍ മുഅല്ലിമിന്‍ പെരിങ്ങാല റെയിഞ്ച് ഇസ്‌ലാമിക കലാമേള ഇന്ന് രാവിലെ എട്ടു മുതല്‍ അല്‍ബിര്‍റ് ഇസ്‌ലാമിക് പ്രീ സ്‌കൂള്‍ അങ്കണത്തില്‍ (മര്‍ഹും കോട്ടുമല ബാപ്പു ഉസ്താദ് നഗറില്‍ ) നടത്തും. വൈകിട്ട് 6.30ന് പൊതുസമ്മേളനം വി.പി.സജീന്ദ്രന്‍ എം.എല്‍.എ ഉദ്ഘാടനം നിര്‍വഹിക്കും. കഴിഞ്ഞ പൊതു പരീക്ഷയില്‍ അഞ്ച്,ഏഴ്,10 ക്ലാസുകളില്‍ റെയ്ഞ്ചില്‍ നിന്നും ഫസ്റ്റ് വാങ്ങിയ കുട്ടികള്‍ക്കുള്ള അവാര്‍ഡ് വിതരണം റെയ്ഞ്ച് പ്രസിഡന്റ് വി.കെ മുഹമ്മദ് ദാരിമി നിര്‍വഹിക്കും. കുന്നത്തുനാട് പഞ്ചായത്ത് പ്രസിഡന്റ് പി.പി അബുബക്കര്‍, ബ്ലോക് മെമ്പര്‍ കെ.കെ രമേശ് എന്നിവര്‍ വിശിഷ്ടാതിഥികളായെത്തും. മുഹമ്മദ് അബ്ദുള്‍റഹ്മാന്‍ മന്നാനി, മുഹമ്മദ് അഷ്‌റഫ് മുരിയന്‍കര, എം.എം നാസര്‍ പാടത്തിക്കര തുടങ്ങിയവര്‍ ഒന്നും, രണ്ടുണ്ടും, മൂന്നും സ്ഥാനങ്ങളിലെ ഓവറോള്‍ ട്രോഫി വിതരണവും, അബ്ദുള്‍ അസീസ് ബാഖവി കലാപ്രതിഭ ട്രോഫി വിതരണവും നടത്തും.