കോഴിക്കോട്: 'മദ്രസകള്‍ മികവിന്റെ കേന്ദ്രങ്ങള്‍' എന്ന നൂതനമായ പ്രമേയം ചര്‍ച്ച ചെയ്തതുകൊണ്ട് സമസ്തയുടെ കീഴിലുള്ള മുഴുവന്‍ ഭാരവാഹികളെയും പങ്കെടുപ്പിച്ച് ജില്ലാ, മേഖലാ തലങ്ങളില്‍ മാനേജ്‌മെന്റ് ശില്‍പശാല നടത്തുവാന്‍ എസ്.കെ.എം.എം.എ നേതൃതല യോഗം തീരുമാനിച്ചു.
ശില്‍പശാലയുടെ സംസ്ഥാനതല ഉദ്ഘാടനം 25ന് ഞായറാഴ്ച എറണാകുളം ജില്ലയിലെ പാനായിക്കുളത്ത് സയ്യിദ് അബ്ബാസലി ശിഹാബ് തങ്ങള്‍ നിര്‍വഹിക്കും. അബ്ദുല്‍ഹമീദ് ഫൈസി അമ്പലക്കടവ്, കെ.കെ.എസ് തങ്ങള്‍ വെട്ടിച്ചിറ, മോയിന്‍കുട്ടി മാസ്റ്റര്‍, ശാഫി ഹാജി ചെമ്മാട്, കെ.എം കുട്ടി എടക്കുളം തുടങ്ങിയവര്‍ സംബന്ധിക്കും. നേതൃയോഗം മുക്കം ഉമര്‍ ഫൈസി ഉദ്ഘാടനം ചെയ്തു. ഡോ. ബഹാഉദ്ദീന്‍ മുപ്പമ്മദ് നദ്‌വി അധ്യക്ഷനായി.
അബ്ദുല്‍ഹമീദ് ഫൈസി അമ്പലക്കടവ് വിഷയാവതരണം നടത്തി. കെ.കെ.എസ് തങ്ങള്‍ വെട്ടിച്ചിറ, കെ.എം കുട്ടി എടക്കുളം, കെ.പി കോയ കോഴിക്കോട്, ശാഫി ഹാജി ചെമ്മാട്, കെ.പി മുഹമ്മദ് മുസ്‌ലിയാര്‍ ചര്‍ച്ചയില്‍ പങ്കെടുത്തു.