കാസര്‍കോട്: മുസ്്‌ലിം യൂത്ത് ലീഗ് ജില്ലാ പ്രവര്‍ത്തക സമിതി അംഗങ്ങള്‍, നിയോജക മണ്ഡലം, മുനിസിപ്പല്‍, പഞ്ചായത്ത് ഭാരവാഹികള്‍, എന്നിവരെ പങ്കെടുപ്പിച്ചു കൊണ്ടുള്ള 'ലീഡേര്‍സ് സമ്മിറ്റ്' മാര്‍ച്ച് ഒന്നിനു രാവിലെ പത്തിനു ചട്ടഞ്ചാല്‍ അര്‍ബന്‍ ബാങ്ക് ഓഡിറ്റോറിയത്തില്‍ സംഘടിപ്പിക്കാന്‍ ജില്ലാ നേതൃയോഗം തീരുമാനിച്ചു. പ്രസിഡന്റ് അഷ്‌റഫ് എടനീര്‍ അധ്യക്ഷനായി. ജനറല്‍ സെക്രട്ടറി ടി.ഡി കബീര്‍, മുസ്്‌ലിം യൂത്ത് ലീഗ് ജില്ലാ വൈസ് പ്രസിഡന്റ് മന്‍സൂര്‍ മല്ലത്തിന്റെ പിതാവ് മൂസ, എസ്.എഫ്.ഐ ജില്ലാ നേതാവ് അഫ്‌സല്‍ എന്നിവരുടെ നിര്യാണത്തില്‍ യോഗം അനുശോചനം രേഖപ്പെടുത്തി. ജില്ലയിലെ രൂക്ഷമായ ശുദ്ധജല ക്ഷാമം പരിഹരിക്കുന്നതിനുള്ള നടപടികള്‍ ത്വരിതപ്പെടുത്തണമെന്ന് യോഗം ആവശ്യപ്പെട്ടു. ടി.എസ് നജീബ്, മന്‍സൂര്‍ മല്ലത്ത്, എം.എ നജീബ്, എം.സി ശിഹാബ് സംബന്ധിച്ചു.