തിരുവനന്തപുരം: മുസ്‌ലിം അസോസിയേഷന്‍ സാഹിത്യ, സാംസ്‌കാരിക രംഗങ്ങളിലെ സമഗ്ര സംഭാവനയ്ക്ക് ഏര്‍പ്പെടുത്തിയ വജ്രജൂബിലി പുരസ്‌കാരത്തിന് ഡോ. കായംകുളം യൂനുസിനെ തിരഞ്ഞെടുത്തു. കേന്ദ്ര സാഹിത്യ അക്കാദമി അംഗവും, മുസ് ലിം അസോസിയേഷന്‍ ജേര്‍ണല്‍ എഡിറ്ററുമായ കായംകുളം യൂനുസ് പതിനഞ്ചോളം ഗ്രന്ഥങ്ങളും ആയിരത്തോളം ലേഖനങ്ങളും രചിച്ചിട്ടുണ്ട്. മുന്‍ മന്ത്രി കുട്ടി അഹമ്മദ്കുട്ടി ചെയര്‍മാനും, ഡോ.എം.ആര്‍ തമ്പാന്‍, ഇ.എം നജീബ് അംഗങ്ങളുമായ കമ്മിറ്റിയാണ് അവാര്‍ഡ് ജേതാവിനെ തിരഞ്ഞെടുത്തത്. ഇരുപത്തി അയ്യായിരം രുപയും ഫലകവുമാണ് നല്‍കുക. ബുധനാഴ്ച വൈകിട്ട് നാലു മണിയ്ക്ക് നന്ദാവനം മുസ് ലീം അസോസിയേഷന്‍ ഹാളില്‍ നടക്കുന്ന ചടങ്ങില്‍ വച്ച് പ്രതിപക്ഷ നേതാവ് രമേശ് ചെന്നിത്തല അവാര്‍ഡ് സമ്മാനിക്കും.