തിരുവനന്തപുരം: പൂരം കലക്കല്‍ വിവാദത്തില്‍ എഡിജിപിയുടെ അന്വേഷണ റിപ്പോര്‍ട്ട് നല്‍കാനാവില്ലെന്ന് ആഭ്യന്തര വകുപ്പ്. വിഎസ് സുനില്‍ കുമാര്‍ നല്‍കിയ വിവരാകാശ നിയമപ്രകാരമുള്ള അപേക്ഷക്കാണ് സര്‍ക്കാര്‍ മറുപടി നല്‍കിയത്.

ആഭ്യന്തര വകുപ്പുമായി ബന്ധപ്പെട്ട രഹസ്യ സ്വഭാവമുള്ളതിനാല്‍ റിപ്പോര്‍ട്ട് നല്‍കാനാവില്ലെന്നും, വിഷയത്തില്‍ തുടരന്വേഷണം നടത്തുന്നുണ്ടെന്നും അപ്പീല്‍ നല്‍കാമെന്നും മറുപടിയില്‍ പറയുന്നു. സംഘടനയുമായും നിയമ വിദഗ്ധരുമായും ആലോചിച്ച് അപ്പീല്‍ നല്‍കുന്ന കാര്യം തീരുമാനിക്കുമെന്ന് വി എസ് സുനില്‍ കുമാര്‍ വ്യക്തമാക്കി.

വിവരവകാശ നിയമത്തിലെ 24 ാം വകുപ്പ് പ്രകാരം രഹസ്യസ്വാഭാവമുള്ള വിവരങ്ങളില്‍ ഉള്‍പ്പെടുന്നതുകൊണ്ടും, 2013 ലെ സര്‍ക്കാര്‍ ഉത്തരവ് പ്രകാരം ആഭ്യന്തര വകുപ്പിന്റെ ഇത്തരം വിവരങ്ങള്‍ ഇതില്‍ നിന്ന് ഒഴിവാക്കിയതുകൊണ്ടും, ഈ വിവരം പുറത്തുവിടാന്‍ സാധിക്കില്ല എന്ന വിവരമാണ് ലഭിച്ചിരിക്കുന്നത്. വിഷയത്തില്‍ മേലധികാരികള്‍ക്ക് അപ്പീല്‍ കൊടുക്കാനുള്ള പ്രൊവിഷന്‍ ഉള്ളതുകൊണ്ട് 30 ദിവസത്തിനകം അപ്പീല്‍ കൊടുക്കാമെന്ന് മറുപടിയില്‍ ഉണ്ടെന്നും സുനില്‍ കുമാര്‍ പറഞ്ഞു.

പൂരം കലക്കലുമായി ബന്ധപ്പെട്ട സംഭവങ്ങളില്‍ സര്‍ക്കാര്‍ നടത്താന്‍ ഉദ്ദേശിക്കുന്ന ത്രിതല അന്വേഷണ ഉത്തരവിന്റെ കോപ്പിയും അയച്ച് നല്‍കിയിട്ടുണ്ടെന്നും, ഈ കാര്യങ്ങള്‍ പരിശോധിച്ച് നിയമവശം മനസിലാക്കിയ ശേഷം അപ്പീല്‍ പോകുന്ന കാര്യം ആലോചിക്കുമെന്നും സുനില്‍ കുമാര്‍ പറഞ്ഞു. തൃശൂര്‍ പൂരം അലങ്കോലമായതില്‍ ഗൂഢാലോചനയോ അട്ടിമറിയോ ഇല്ലെന്ന റിപ്പോര്‍ട്ടാണ് എഡിജിപി എം ആര്‍ അജിത് കുമാര്‍ സമര്‍പ്പിച്ചിരുന്നത്.

Kerala's Home Department withholds Onam stampede investigation report, citing confidentiality, sparking concerns over transparency and accountability in the wake of the tragic incident.