ബംഗളൂരു: സെമി ബര്‍ത്ത് ഉറപ്പിച്ച് ഐ.എസ്.എല്ലില്‍ മികച്ച ഫോമിലുള്ള ബംഗളൂരു എഫ്.സി പുതിയ സ്പാനിഷ് താരത്തെ ടീമിലെത്തിച്ചു. 32 കാരനായ മുന്നേറ്റ താരം ഡാനിയല്‍ ലുക്കാസ് സെഗോവിയയെയാണ് ടീം സ്വന്തമാക്കിയത്. കാല്‍മുട്ടിനേറ്റ പരുക്കിനെ തുടര്‍ന്ന് സീസണ്‍ നഷ്ടമായ മറ്റൊരു സ്പാനിഷ് താരം ബ്രൗലിയോ നോബ്രഗയ്ക്ക് പകരമാണ് സെഗോവിയോയുടെ വരവ്. റയോ വല്‍ക്കാനോയിലൂടെ ഫുട്‌ബോള്‍ കരിയര്‍ തുടങ്ങിയ സെഗോവിയ പിന്നീട് ഓസ്ട്രിയന്‍ ക്ലബ് സെന്റ് പ്ലാറ്റന് വേണ്ടിയും കളിച്ചിട്ടുണ്ട്. നിലവില്‍ അസര്‍ബൈജാന്‍ പ്രീമിയര്‍ ലീഗ് ടീം നെഫ്ചി ബകുവില്‍ നിന്നാണ് താരം ഇന്ത്യയിലെത്തുന്നത്.