കൊടുങ്ങല്ലൂര്‍: സംസ്ഥാന സര്‍ക്കാരിന്റെ സമ്പൂര്‍ണ പാര്‍പ്പിട സുരക്ഷാ പദ്ധതി ലൈഫ്മിഷന്റെ ഗുണഭോക്തൃ സര്‍വേയുടെ നിയോജക മണ്ഡലംതല ഉദ്ഘാടനം കൊടുങ്ങല്ലൂരില്‍ നടന്നു. കുടുംബശ്രീ രണ്ടാം നമ്പര്‍ സി.ഡി.എസിന്റെ ആഭിമുഖ്യത്തില്‍ മേത്തലയില്‍ നടന്ന ചടങ്ങില്‍ അഡ്വ. വി.ആര്‍ സുനില്‍കുമാര്‍ എം.എല്‍.എ ഉദ്ഘാടനം നിര്‍വഹിച്ചു. നഗരസഭാ ചെയര്‍മാന്‍ സി.സി വിപിന്‍ ചന്ദ്രന്‍ അധ്യക്ഷനായി.
വൈസ് ചെയര്‍പേഴ്‌സന്‍ ഷീല രാജ്കമല്‍, സ്റ്റാന്‍ഡിങ് കമ്മിറ്റി ചെയര്‍മാന്മാരായ സി.കെ രാമനാഥന്‍, തങ്കമണി സുബ്രഹ്മണ്യന്‍, കൗണ്‍സിലര്‍മാരായ കെ.ആര്‍ ജൈത്രന്‍, എം.കെ സഗീര്‍, രജിസതീശന്‍, കെ.പി ശോഭ, സി.ഡി.എസ് ചെയര്‍പേഴ്‌സന്‍ ഇ.ജെ ഹീര സംസാരിച്ചു.