ചെറുവത്തൂര്‍: തൃശൂരില്‍ നടക്കുന്ന സി.പി.എം സംസ്ഥാന സമ്മേളന നഗരിയിലേക്കുള്ള പതാക ദീപശിഖ ജാഥകള്‍ പ്രയാണം ആരംഭിച്ചു. കയ്യൂര്‍ രക്തസാക്ഷി സ്മാരകത്തില്‍നിന്നു പാതാക ജാഥ ആരംഭിച്ചു.
സി.പി.എം കേന്ദ്ര കമ്മിറ്റിയംഗം ഇ.പി ജയരാജന്‍ ജാഥാ ലീഡര്‍ എം.വി ഗോവിന്ദന് പതാക കൈമാറി. ഇവിടെ നിന്നുള്ള ദീപശിഖ സി.പി.എം കാസര്‍കോട് ജില്ലാ സെക്രട്ടറി എം.വി ബാലകൃഷ്ണന്‍ ജാഥാ ലീഡര്‍ സാബു എബ്രഹാമിന് കൈമാറി.
തുടര്‍ന്ന് നടന്ന പൊതുസമ്മേളനത്തില്‍ എം. രാജഗോപാലന്‍ എം.എല്‍.എ അധ്യക്ഷനായി. ഇ.പി ജയരാജന്‍, എം.വി ഗോവിന്ദന്‍, എം.വി ബാലകൃഷ്ണന്‍, കെ.പി സതീഷ് ചന്ദ്രന്‍ സംസാരിച്ചു.