ഇടുക്കി:മൂന്നാറിൽ അവധി ദിവസം സാമൂഹിക വിരുദ്ധര്‍ അംഗന്‍വാടിയുടെ ജനല്‍ ചില്ലുകള്‍ തകര്‍ത്തു. മൂന്നാര്‍ പഞ്ചായത്തിലെ അഞ്ചാം വാര്‍ഡ് തലയാറില്‍ പ്രവര്‍ത്തിച്ചുവരുന്ന 88-ാം നമ്പര്‍ അംഗന്‍വാടിയുടെ ജനൽ ചില്ലുകളാണ് സാമൂഹിക വിരുദ്ധര്‍ തകർത്തത്. അംഗന്‍വാടിയിലെത്തിയ ടീച്ചറും ഹെല്‍പ്പറും അംഗന്‍വാടി തുറന്നപ്പോഴാണ് മുറിക്കുള്ളില്‍ ചില്ലുകള്‍ ചിതറിയും ബെഞ്ചുകള്‍ വീണുകിടന്ന നിലയിലും കണ്ടത്. ദേവികുളം ബ്ലോക്ക് അംഗന്‍വാടി സൂപ്പര്‍വൈസര്‍ ഉള്‍പ്പെടെയുള്ള അധികൃതര്‍ക്കും മറയൂര്‍ പൊലിസിലും പരാതി നല്‍കിയിട്ടുണ്ട്.