തൃശൂര്‍: കോണ്‍ഗ്രസിനോടും ബി.ജെ.പിയോടുമുള്ള അകലമല്ല സി.പി.എമ്മിന് മാണിയോടുള്ളതെന്ന് സി.പി.എം സംസ്ഥാന സെക്രട്ടറിയേറ്റംഗം ബേബി ജോണ്‍. സംസ്ഥാന സമ്മേളനത്തില്‍ കെ.എം മാണി പങ്കെടുക്കുന്നതില്‍ അസ്വാഭാവികതയില്ലെന്നും അദ്ദേഹം തൃശൂരില്‍ പറഞ്ഞു.
നേരത്തെ മന്ത്രിയായിരുന്നപ്പോഴും കെ.എം.മാണി പാര്‍ട്ടി പ്ലീനത്തില്‍ പങ്കെടുത്തിട്ടുണ്ട്. മാണിയെ മുന്നണിയില്‍ എടുക്കുന്നത് സംബന്ധിച്ച് അഭിപ്രായം പറയാനുള്ള സ്വാതന്ത്ര്യം സി.പി.ഐയ്ക്കുണ്ട്. എന്നാല്‍ എല്‍.ഡി.എഫാണ് അന്തിമ തീരുമാനമെടുക്കുക. സി.പി.ഐയുടെ അഭിപ്രായ പ്രകടനം മുന്നണി സംവിധാനത്തെ ഒരുതരത്തിലും ബാധിക്കില്ലെന്നും സി.പി.എം ഒരു പ്രശ്‌നവുമുണ്ടാക്കില്ലെന്നും ബേബി ജോണ്‍ പറഞ്ഞു.