തിരുവനന്തപുരം: ശിശുക്ഷേമ സമിതിയില്‍ കഴിയുന്ന കുഞ്ഞുങ്ങളോട് ആയമാര്‍ ചെയ്യുന്നത് ഭയാനകമായ ക്രൂതകള്‍. മുന്‍ ആയയുടേതാണ് വെളിപെടുത്തല്‍. മാതാപിതാക്കള്‍ ഉപേക്ഷിക്കുകയോ മരണപ്പെടുകയോ ചെയ്തതിനെ തുടര്‍ന്ന് അഭയം തേടിയെത്തുന്ന കുഞ്ഞുമക്കളോട് അതിഭീകരമായ ക്രൂരതയാണ് ചില ആയമാര്‍ ചെയ്യുന്നതെന്ന് ഇവര്‍ പറയുന്നു. പിഞ്ചു കുഞ്ഞുങ്ങളെ വരെ ഇത്തരം ക്രൂരതകള്‍ക്കിരയാക്കുന്നതായി അവര്‍ പറയുന്നു. 

പിഞ്ചുകുട്ടികളുടെ ജനനേന്ദ്രിയത്തിലടക്കം ഉപദ്രവിക്കുന്നതായി അവര്‍ വെളിപെടുത്തി. 

സി.സി.ടി.വി നിരീക്ഷണം ഇല്ലാത്ത സ്ഥലങ്ങളില്‍ വെച്ചാണ് മര്‍ദിക്കുക. 
ഉറക്കത്തില്‍ മൂത്രം ഒഴിക്കുന്ന കുട്ടികളെ ആയമാര്‍ സ്ഥിരമായി ഉപദ്രവിക്കും. അവരുടെ ജനനേന്ദ്രിയത്തില്‍ ഉപദ്രവിക്കുന്നത് പതിവ് കാഴ്ചയാണ്. കുട്ടികളെ കുളിപ്പിക്കുമ്പോള്‍ ഉള്ളംകാലില്‍ നുള്ളി വേദനിപ്പിക്കും- അവര്‍ പറഞ്ഞു.

എപ്പോഴും വയറിളക്കം വരാറുള്ള ബുദ്ധിമാന്ദ്യമുള്ള കുട്ടിയുടെ ജനനേന്ദ്രിയത്തിനോട് ചേര്‍ന്ന് ചീര്‍പ്പ് കൊണ്ട് തുടര്‍ച്ചയായി അടിച്ച സംഭവം അവര്‍ പറഞ്ഞു. ഈ കുഞ്ഞ് തന്നോട് ഇതേക്കുറിച്ച് പരാതി പറഞ്ഞിരുന്നുവെന്നും അവര്‍ കൂട്ടിച്ചേര്‍ത്തു. അടികിട്ടിയ ഭാഗത്ത് ചീര്‍പ്പിന്റെ പാട് പതിഞ്ഞിരുന്നു.

കാഴ്ചയില്ലാത്ത കുട്ടികളെ മാനസികമായി പീഡിപ്പിക്കുന്ന കാര്യവും അവര്‍ തുറന്നു പറഞ്ഞു. കുട്ടികളെ അടിച്ചതിന് നടപടി നേരിട്ട് പുറത്തുപോകുന്നവര്‍ അതുപോലെ തിരിച്ചുകയറും. കുട്ടികളെ ഉപദ്രവിക്കുന്നതിനെ കുറിച്ച് പരാതി പറയുന്ന ആയമാര്‍ ഒറ്റപ്പെടുന്ന അവസ്ഥയാണെന്നും ഇവര്‍ പറഞ്ഞു.

ഇപ്പോള്‍ രണ്ടര വയസ്സുകാരിയെ ക്രൂരമായി ഉപദ്രവിച്ച സംഭവത്തില്‍ പ്രതികള്‍ ആയവര്‍ നേരത്തെയും സമാന കുറ്റം ചെയ്തിട്ടുണ്ടെന്ന് അവര്‍ ചൂണ്ടിക്കാട്ടി. സംഭവം പുറത്തറിഞ്ഞാല്‍ താത്കാലികമായി ഇവരെ പുറത്താക്കും. പാര്‍ട്ടി ഇടപെട്ട് പിന്നീട് വീണ്ടും നിയമനം നല്‍കുമെന്നും മുന്‍ ആയ പറഞ്ഞു.

അതേസമയം, കുട്ടിയെ ഉപദ്രവിച്ച മൂന്ന് പ്രതികളെയും കസ്റ്റഡിയില്‍ വാങ്ങി ശാസ്ത്രീയ തെളിവെടുപ്പ് നടത്തുമെന്ന് പൊലിസ് അറിയിച്ചു. പതിവായി കിടക്കയില്‍ മൂത്രമൊഴിക്കുന്ന കുട്ടിയെ ഉപദ്രവിച്ച കാര്യം അധികൃതരെ അറിയിക്കാതെ ഒരാഴ്ചയാണ് ആയമാര്‍ മറച്ച് വെച്ചത്. കുഞ്ഞിന് ഒരു പണി കൊടുത്തുവെന്ന രീതിയില്‍ ഇതേക്കുറിച്ച് ആയമാര്‍ പരസ്പരം പറഞ്ഞിരുന്നുവത്രെ.

മാതാപിതാക്കള്‍ നഷ്ടപ്പെട്ട് ശിശുക്ഷേമ സമിതിയുടെ സംരക്ഷണത്തിലെത്തിയ കുട്ടിയോട് ക്രൂരമായാണ് ആയമാര്‍ പെരുമാറിയത്. ജനനേന്ദ്രിയത്തില്‍ നുള്ളിയതിനെ തുടര്‍ന്ന് കുട്ടി വേദനകൊണ്ട് കരയുമായിരുന്നുവത്രെ. ഒരാഴ്ച കഴിഞ്ഞ് ഡ്യൂട്ടിക്കെത്തിയ മറ്റൊരു ആയയാണ് വിവരം പുറത്തറിയിച്ചത്.

ക്രൂരമായി മുറിവേറ്റുവെന്ന് ഡോക്ടറും അറിയിച്ചതിന് പിന്നാലെയാണ് ശിശുക്ഷേമ സമിതി അധികൃതരുടെ പരാതിയില്‍ പൊലീസ് കേസെടുത്തത്. രണ്ട് ദിവസത്തെ അന്വേഷണത്തിന് ശേഷം മൂന്നുപേര്‍ കുറ്റം സമ്മതിക്കുകയായിരുന്നു. 70 പേരുടെ മൊഴി പൊലിസ് രേഖപ്പെടുത്തി.

Shocking revelations have emerged from former child caregivers (Aayas) about the brutal abuse faced by children in Kerala's child welfare homes. The allegations include severe mistreatment of abandoned or orphaned children, with reports stating that even infants are subjected to cruel and inhumane actions.