ന്യൂഡല്‍ഹി: കഴിഞ്ഞ വര്‍ഷം കോണ്‍ഗ്രസില്‍ നിന്ന് രാജിവച്ച് ബി.ജെ.പിയില്‍ ചേര്‍ന്ന ഡല്‍ഹി കോണ്‍ഗ്രസ് മുന്‍ അധ്യക്ഷന്‍ അര്‍വിന്ദ് സിങ് ലവ്‌ലി വീണ്ടും പാര്‍ട്ടിയിലേക്ക് മടങ്ങി. ഡല്‍ഹിയില്‍ 20 മണ്ഡലങ്ങളില്‍ ഉപതെരഞ്ഞെടുപ്പ് നടക്കാന്‍ ദിവസങ്ങള്‍ മാത്രം ബാക്കി നില്‍ക്കെയാണ് കോണ്‍ഗ്രസിലേക്കുള്ള ലവ്‌ലിയുടെ മടക്കം.ഡല്‍ഹി എ.ഐ.സി.സിയില്‍ നടന്ന ചടങ്ങിലാണ് ലവ്‌ലിയുടെ പാര്‍ട്ടിയിലേക്കുള്ള മടക്കം പ്രഖ്യാപിച്ചത്.