പൂഞ്ച്: ചട്ടങ്ങള്‍ ലംഘിച്ച് പാക് ഹെലികോപ്റ്റര്‍ നിയന്ത്രണ രേഖയുടെ 300 മീറ്റര്‍ മാത്രം ദൂരം വരെയെത്തി. ജമ്മു കശ്മീര്‍ പൂഞ്ച് ജില്ലയിലെ ഗുല്‍പുര്‍ സെക്ടറിലാണ് സംഭവം. ഒരു കിലോമീറ്റര്‍ പരിധിക്കിപ്പുറം ഹെലികോപ്റ്റര്‍ പോലുള്ള വാഹനങ്ങള്‍ കടക്കരുതെന്നാണ് ചട്ടം.

ഇന്നു രാവിലെ 9.45 നാണ് സംഭവം. പാക് അധിനിവേശ കശ്മീരിലെ പല്ലാന്‍ഡ്രിയില്‍ ഹെലികോപ്റ്റര്‍ പറക്കുകയും ചെയ്തു.

ഇരുരാജ്യങ്ങളും തമ്മിലുള്ള നിലവിലെ ചട്ടങ്ങള്‍ പ്രകാരം, യുദ്ധവിമാനങ്ങള്‍ നിയന്ത്രണരേഖയുടെ 10 കിലോമീറ്റര്‍ പരിധിയിലും മറ്റു ഹെലികോപ്റ്റര്‍, വിമാനങ്ങള്‍ എന്നിവ ഒരു കിലോമീറ്റര്‍ പരിധിയിലും വരാന്‍ പാടില്ലെന്നാണ് നിയമം.