സന്തോഷ് ട്രോഫി ഫൈനല് റൗണ്ട് മത്സരങ്ങള് കൊല്ക്കത്തയില്
ബംഗളൂരു: 72-മത് സന്തോഷ് ട്രോഫിയുടെ ഫൈനല് റൗണ്ട് മത്സരങ്ങള് മാര്ച്ച് 19 മുതല് കൊല്ക്കത്തയില് നടക്കും. ഏപ്രില് ഒന്നിനാണ് ഫൈനല്. വെസ്റ്റ് ബംഗാള്, ചണ്ഡിഗഡ്, മണിപ്പുര്, മഹാരാഷ്ട്ര എന്നിവരുടെ കൂടെ എ ഗ്രൂപ്പിലാണ് കേരളം. ഗോവ, മിസോറാം, ഒഡിഷ, പഞ്ചാബ്, കര്ണാടക എന്നിവരാണ് ഗ്രൂപ്പ് ബിയിലുള്ളത്. മാര്ച്ച് 19ന് ചണ്ഡിഗഡിനെതിരേയാണ് കേരളത്തിന്റെ ആദ്യ മത്സരം.
23ന് മണിപ്പൂരിനേയും 27ന് പഞ്ചിമ ബംഗാളിനേയും കേരളം നേരിടും. മഹാരാഷ്ട്ര, മണിപ്പൂര്, പഞ്ചിമ ബംഗാള് എന്നിവരുള്പ്പെടുന്ന ഗ്രൂപ്പിലായതിനാല് പ്രാഥമിക മത്സരത്തില് തന്ന കേരളത്തിന് നന്നായി വിയര്പ്പൊഴുക്കേണ്ടിവരും. യോഗ്യതാ മത്സരങ്ങളില് കേരളം മികച്ച പ്രകടനമായിരുന്നു പുറത്തെടുത്തിരുന്നത്. ഇത് കേരളത്തിന് ആത്മവിശ്വാസം നല്കുന്നുണ്ട്. കഴിഞ്ഞ വര്ഷം സന്തോഷ് ട്രോഫി കളിച്ച സീസന്, മുഹമ്മദ് പാറക്കോട്ടില്, അജയ് രാജ് എന്നിവരുടെ സാന്നിദ്ധ്യം കേരളത്തിന് കൂടുതല് കരുത്ത് നല്കുന്നുണ്ട്.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."