പീരുമേട്: ബാങ്കില്‍ വെച്ച് യുവതിയുടെ കൈയ്യില്‍ നിന്നും പണം കവര്‍ന്ന സംഭവത്തില്‍ പൊലിസ് കേസ് എടുത്തു. വണ്ടിപ്പെരിയാര്‍ യൂനിയന്‍ ബാങ്കില്‍ വെച്ചാണ് യുവതിയുടെ കൈയ്യില്‍ നിന്നം പണം നഷ്ടപ്പെട്ടത്.
ടൗണിലെ വ്യാപാര സ്ഥാപനത്തിലെ ജീവനക്കാരിയില്‍ നിന്നുമാണ് 34,700 രൂപ നഷ്ടപ്പട്ടത്.
ഇന്നലെ  ഉച്ചയ്ക്ക്  പണം  അടയ്ക്കാന്‍ വേണ്ടി കൗണ്ടറിനു സമീപം നില്‍ക്കുമ്പോള്‍ പണം അടക്കുന്ന ഫോം പൂരിപ്പിച്ചു നല്‍കണമെന്നാവശ്യപ്പെട്ട് മധ്യ വയസ്‌കനായ ഒരാള്‍ യുവതിയെ സമീപിച്ചു.
കൗണ്ടറിനു സമീപത്ത് പണം വെച്ചിട്ട് യുവതി ഫോം പൂരിപ്പിക്കുന്നതിനിടയില്‍  പണം കവരുകയായിരുന്നു.
പിന്നീട് ആളെ അന്വേഷിച്ചപ്പോള്‍ വാഹനത്തില്‍ കയറി പോയതായി കണ്ടു.
ബാങ്കിലെ സി.സി.ടി.വി. ദ്യശ്യങ്ങളില്‍ പതിഞ്ഞിട്ടുണ്ടെങ്കിലും പ്രതിയെ പൊലിസിനും ബാങ്കിനും  കണ്ടെത്താന്‍ കഴിഞ്ഞിട്ടില്ല.