HOME
DETAILS

ചീഫ് ജസ്റ്റിസ് ഉള്‍പ്പെടെ ഏഴ് ജഡ്ജിമാര്‍ ഈ വര്‍ഷം വിരമിക്കും

  
backup
February 24 2018 | 23:02 PM

%e0%b4%9a%e0%b5%80%e0%b4%ab%e0%b5%8d-%e0%b4%9c%e0%b4%b8%e0%b5%8d%e0%b4%b1%e0%b5%8d%e0%b4%b1%e0%b4%bf%e0%b4%b8%e0%b5%8d-%e0%b4%89%e0%b4%b3%e0%b5%8d%e2%80%8d%e0%b4%aa%e0%b5%8d%e0%b4%aa%e0%b5%86%e0%b4%9f


ന്യൂഡല്‍ഹി: ചീഫ് ജസ്റ്റിസ് ഉള്‍പ്പെടെ ഏഴ് ജഡ്ജിമാര്‍ ഈ വര്‍ഷം സുപ്രിം കോടതിയില്‍ നിന്ന് വിരമിക്കും. നിലവില്‍ ആറ് ജഡ്ജിമാരുടെ ഒഴിവുണ്ടായിരിക്കെ അടുത്ത മാസം ഒന്ന് മുതലാണ് ഏഴ് ജഡ്ജിമാര്‍ വിരമിക്കുന്നത്. കൂടാതെ രണ്ട് ജഡ്ജിമാരുടെ നിയമനം സര്‍ക്കാരിന്റെ പരിഗണനയിലുമാണ്. മാര്‍ച്ച് ഒന്നിന് ജസ്റ്റിസ് അമിതാവ റോയിയും മെയ് നാലിന് രാജേഷ് അഗര്‍വാളും വിരമിക്കും. അമിതാവ റോയിയുടെ അവസാന പ്രവൃത്തി ദിനം വെള്ളിയാഴ്ചയായിരുന്നു. ഹോളി അവധി കഴിഞ്ഞ് മാര്‍ച്ച് അഞ്ചിനാണ് ഇനി കോടതി പുനരാരംഭിക്കുക.
സുപ്രിം കോടതി ചീഫ് ജസ്റ്റിസ് ദീപക് മിശ്രക്ക് ശേഷം ഏറ്റവും മുതിര്‍ന്ന ജഡ്ജിയായ ജസ്റ്റിസ് ജെ. ചെലമേശ്വര്‍ ജൂണ്‍ 22നും ജസ്റ്റിസ് ആദര്‍ശ് ഗോയല്‍ ജൂലൈ ആറിനുമാണ് വിരമിക്കുകയെന്ന് സുപ്രിം കോടതിയുടെയും നിയമ മന്ത്രാലയത്തിന്റെയും വെബ്‌സൈറ്റില്‍ പറയുന്നു. ചീഫ് ജസ്റ്റിസ് ദീപക് മിശ്ര ഒക്ടോബര്‍ രണ്ടിനും ജസ്റ്റിസ് കുര്യന്‍ ജോസഫ് നവംബര്‍ 29നും ജസ്റ്റിസ് മദന്‍ ബി. ലോക്കൂര്‍ ഡിസംബര്‍ 30നും വിരമിക്കും.
ജഡ്ജിമാരുടെ വിരമിക്കലും നിലവിലുള്ള ആറു പേരുടെ കുറവും പുതിയ ആളുകളുടെ പേര് ഉടന്‍ നോമിനേറ്റ് ചെയ്യാന്‍ കൊളീജിയത്തില്‍ സമ്മര്‍ദമുണ്ടാകും. അഡ്വ. ഇന്ദു മല്‍ഹോത്ര, ഉത്തരാഖണ്ഡ് ഹൈക്കോടതി ചീഫ് ജസ്റ്റിസ് കെ.എം ജോസഫ് എന്നിവരെ സുപ്രിം കോടതി ജഡ്ജിമാരായി നിയമിക്കാന്‍ കൊളീജിയം കഴിഞ്ഞ മാസം സര്‍ക്കാരിനോട് ആവശ്യപ്പെട്ടിരുന്നു. എന്നാല്‍ ഇക്കാര്യത്തില്‍ സര്‍ക്കാര്‍ ഇതുവരെ തീരുമാനം എടുത്തിട്ടില്ല.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."