മണ്ണാര്‍ക്കാട്: ട്രെന്‍ഡ് സ്മാര്‍ട്ട് പ്രൊജക്റ്റിന്റെ ഭാഗമായി മണ്ണാര്‍ക്കാട് ഇസ്‌ലാമിക് സെന്ററിലെ വിദ്യാര്‍ഥികള്‍ കേരളത്തിലെ വിവിധ കലാലയങ്ങള്‍ സന്ദര്‍ശിച്ച് മേധാവികളുമായി ആശയവിനിമയം നടത്തി. ദാറുല്‍ഹുദാ ഇസ്‌ലാമിക് യൂനിവേഴ്‌സിറ്റി, കാലിക്കറ്റ് യൂനിവേഴ്‌സിറ്റി, സമസ്താലയം ചേളാരി, ഫാറൂഖ് കോളജ്, കോഴിക്കോട് മെഡിക്കല്‍ കോളജ് എന്നിവ സന്ദര്‍ശിച്ചു. സയ്യിദ് ഹമീദലി ശിഹാബ് തങ്ങള്‍, ദാറുല്‍ഹുദാ വി.സി ഡോ.ബഹാഉദ്ദീന്‍ മുഹമ്മദ് നദ്‌വി, കാലിക്കറ്റ് യൂനിവേഴ്‌സിറ്റി വി.സി ഡോ. മുഹമ്മദ് ബശീര്‍, ഫാറൂഖ് കോളജ് പ്രിന്‍സിപ്പല്‍ ഇ.പി. ഇമ്പിച്ചിക്കോയ, കാലിക്കറ്റ് മെഡിക്കല്‍ കോളജ് പാലിയേറ്റീവ് വിഭാഗം മേധാവി ഡോ. അന്‍വര്‍ ഹുസൈന്‍ എന്നിവരുമായി വിദ്യാര്‍ഥികള്‍ ആശയ സംവാദം നടത്തി. 'മീറ്റ് ദ സ്‌കോളര്‍' യാത്രക്ക് ഡോ. ടി.എ മജീദ് കൊടക്കാട്, സ്മാര്‍ട്ട് മെന്റര്‍ റംഷാദ് ടി. മുഹമ്മദ് നേതൃത്വം നല്‍കി.