കോഴിക്കോട്: സമസ്ത കേരളാ ജംഇയ്യത്തുല്‍ ഉലമയ്ക്കു ശക്തിപകര്‍ന്നു ജീവിതവിജയം കൈവരുത്തണമെന്നു സമസ്ത ട്രഷറര്‍ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍.
ആലപ്പുഴയില്‍ സമസ്ത 90ാം വാര്‍ഷിക സമ്മേളന സ്വാഗതസംഘത്തിന്റെ അന്തിമ യോഗത്തില്‍ അധ്യക്ഷനായി സംസാരിക്കുകയായിരുന്നു അദ്ദേഹം.
സ്വാഗതസംഘം ജനറല്‍ കണ്‍വീനര്‍  കോട്ടുമല ടി.എം.ബാപ്പു മുസ്‌ലിയാര്‍ സ്വാഗതം പറഞ്ഞു. സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍, മുശാവറ അംഗങ്ങളായ പി. മുഹമ്മദ് എന്ന കുഞ്ഞാണി മുസ്‌ലിയാര്‍, ടി.പി.മുഹമ്മദ് എന്ന ഇപ്പ മുസ്‌ലിയാര്‍, സ്വാഗതസംഘം ഭാരവാഹികളായ മാന്നാര്‍ ഇസ്മാഈല്‍ കുഞ്ഞു ഹാജി, കാളാവ് സൈതലവി മുസ്‌ലിയാര്‍, ഇ. മൊയ്തീന്‍ ഫൈസി പുത്തനഴി, കെ. മോയിന്‍കുട്ടി മാസ്റ്റര്‍, നാസര്‍ ഫൈസി കൂടത്തായി, ടി.കെ പരീക്കുട്ടി ഹാജി, പാലത്തായി മൊയ്തു ഹാജി, കെ.പി കോയ, പി. മാമുക്കോയ ഹാജി, പി.എ ശിഹാബുദ്ദീന്‍ മുസ്‌ലിയാര്‍, ഒ.എം ശരീഫ് ദാരിമി, എ.കെ ആലിപ്പറമ്പ്, പി. ഹസൈനാര്‍ ഫൈസി, പി.സി ഉമര്‍ മുസ്‌ലിയാര്‍, എ. ഇബ്‌റാഹിംകുട്ടി മൗലവി, മുഹമ്മദ് ബഷീര്‍ പത്തനംതിട്ട, ഐ. മൊയ്തീന്‍ ലബ്ബ മംഗളൂര്‍, കെ. ഹംസക്കോയ സംബന്ധിച്ചു. ദക്ഷിണമേഖലാ സ്വാഗതസംഘം ചെയര്‍മാന്‍ മാന്നാര്‍ ഇസ്മാഈല്‍ കുഞ്ഞു ഹാജിക്ക് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ പ്രത്യേക ഉപഹാരം നല്‍കി.