ചേളാരി: സമസ്ത കേരള സുന്നി ബാലവേദി പ്രഥമ സംസ്ഥാന അധ്യക്ഷനും ഒന്നര പതിറ്റാണ്ടിലേറെ പ്രസിഡന്റുമായ പാണക്കാട് സയ്യിദ് ഹമീദലി ശിഹാബ് തങ്ങള്‍ക്ക് എസ്.കെ.എസ്.ബി.വി സംസ്ഥാന കമ്മിറ്റിയുടെ ആദരം. സുന്നി ബാലവേദിയുടെ ഒരു വര്‍ഷക്കാലം നീണ്ടുനില്‍ക്കുന്ന സില്‍വര്‍ ജൂബിലി ആഘോഷങ്ങളുടെ ഭാഗമായാണ് എസ്.കെ.എസ്.എസ്.എഫ് സംസ്ഥാന അധ്യക്ഷന്‍ കൂടിയായ പാണക്കാട് സയ്യിദ് ഹമീദലി ശിഹാബ് തങ്ങളെ ആദരിച്ചത്.
ചേളാരി സമസ്ത ഓഡിറ്റോറിയത്തില്‍ സംഘടിപ്പിച്ച ചടങ്ങില്‍ സമസ്ത കേരള ജംഇയ്യത്തുല്‍ ഉലമ ട്രഷറര്‍ സി.കെ.എം സ്വാദിഖ് മുസ്‌ലിയാര്‍ ഉപഹാര സമര്‍പ്പണം നിര്‍വഹിക്കുകയും ആദരിക്കുകയും ചെയ്തു. സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ ജന. സെക്രട്ടറി ഡോ. ബഹാഉദ്ദീന്‍ മുഹമ്മദ് നദ്‌വി ഉദ്ഘാടനം ചെയ്തു. സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ മാനേജര്‍ എം.എ ചേളാരി അധ്യക്ഷനായി. എം.എം മുഹ്‌യുദ്ദീന്‍ മുസ്‌ലിയാര്‍ ആലുവ, സയ്യിദ് ശിഹാബുദ്ദീന്‍ തങ്ങള്‍ പാലക്കാട,് കൊടക് അബ്ദുറഹ്മാന്‍ മുസ്‌ലിയാര്‍, ഹുസൈന്‍കുട്ടി മുസ്‌ലിയാര്‍ പുളിയാട്ടുകുളം, അബ്ദുല്‍ ഖാദര്‍ ഖാസിമി, പുറങ്ങ് മൊയ്തീന്‍ മുസ്‌ലിയാര്‍, കൊട്ടപ്പുറം അബ്ദുല്ല മാസ്റ്റര്‍, സത്താര്‍ പന്തല്ലൂര്‍, മിദ്‌ലാജ് കിടങ്ങഴി, ഷഫീഖ് മണ്ണഞ്ചേരി, മജീദ് മാസ്റ്റര്‍ കൊടക്കാട്, റഹീം ചുഴലി, കെ.കെ.എസ് തങ്ങള്‍ വെട്ടിച്ചിറ, എസ്.കെ.എസ്.ബി.വി സംസ്ഥാന ജന. സെക്രട്ടറി അഫ്‌സല്‍ രാമന്തളി, ട്രഷറര്‍ ഫുആദ് വെള്ളിമാട്കുന്ന് തുടങ്ങിയവര്‍ സംസാരിച്ചു. മുന്‍ സംസ്ഥാന ഭാരവാഹികള്‍ക്കുള്ള ഉപഹാരം സംസ്ഥാന പ്രസിഡന്റ് പാണക്കാട് സയ്യിദ് അസീല്‍ അലി ശിഹാബ് തങ്ങള്‍ വിതരണം ചെയ്തു.