റിയാദ്: സഊദിയില്‍ ബ്രിട്ടീഷ് കമ്പനിയായ 'വ്യൂ' 30 തിയറ്ററുകള്‍ സ്ഥാപിക്കും. ഇതിനായുള്ള കരാര്‍ നേരത്തെ ഒപ്പുവച്ചിരുന്നു. സഊദി അല്‍ മുഹ്‌സിന്‍ അല്‍ ഹൊകൈര്‍ ഹോള്‍ഡിങ് കമ്പനിയുമായി സഹകരിച്ചാണ് പദ്ധതി നടപ്പാക്കുക.
സഊദി ഭരണകൂടത്തിന്റെ പുതിയ തീരുമാനപ്രകാരം അടുത്തു തന്നെ തിയറ്ററുകള്‍ തുറക്കാന്‍ ആഗ്രഹിക്കുന്നവര്‍ക്ക് ലൈസന്‍സ് നല്‍കിത്തുടങ്ങും.
തിയറ്ററുകളില്‍ സദാചാര മൂല്യങ്ങള്‍ക്കും ധാര്‍മികതക്കും നിരക്കാത്ത സിനിമകള്‍ക്ക് പ്രദര്‍ശനാനുമതി ഉണ്ടാകില്ല.