ന്യൂഡല്‍ഹി: തിഹാര്‍ ജയിലിനെ വിനോദ സഞ്ചാര മേഖലയാക്കുന്നു. ജയിലിന്റെ ഉള്ളറകളെക്കുറിച്ച് അറിയാനും ആസ്വദിക്കാനുമായി അവസരമൊരുക്കിക്കൊണ്ടാണ് ജയില്‍ അധികൃതരും സര്‍ക്കാരും കൈകോര്‍ത്ത് തീഹാര്‍ ജയില്‍ ടൂറിസം പദ്ധതിക്ക് തുടക്കം കുറുച്ചിരിക്കുന്നത്. ജയില്‍ അനുഭവം എന്ന് പേരിട്ടിരിക്കുന്ന പദ്ധതിയുടെ ഔദ്യോഗിക പ്രഖ്യാപനം ഉടനുണ്ടാകും. സന്ദര്‍ശകര്‍ക്കായി ജയിലില്‍ ഭക്ഷണമടക്കം സജ്ജമാക്കും. തടവുകാര്‍ തന്നെ പാചകം ചെയ്യുന്ന ഭക്ഷണശാലയാകും പദ്ധതിയുടെ ഭാഗമായി തിഹാര്‍ ജയിലില്‍ ഒരുക്കുക. മറ്റ് തടവുകാരെ പോലെ ജോലി ചെയ്യണം. ജയില്‍ വസ്ത്രങ്ങളും നല്‍കും. പൂന്തോട്ടപണിയും മരപ്പണിയും അവര്‍ക്കൊപ്പം ചെയ്യാന്‍ സന്ദര്‍ശകര്‍ക്ക് അനുമതി ഒരുക്കും. കര്‍ശന നിയന്ത്രണങ്ങളും ഇതിനുമേല്‍ ജയില്‍ അധികൃതര്‍ ഒരുക്കും.