ഡര്‍ബന്‍: ദക്ഷിണാഫ്രിക്കയ്‌ക്കെതിരായ ഒന്നാം ക്രിക്കറ്റ് ടെസ്റ്റില്‍ ആസ്‌ത്രേലിയ പിടിമുറുക്കി. ഒന്നാം ഇന്നിങ്‌സില്‍ 351 റണ്‍സില്‍ പുറത്തായ ആസ്‌ത്രേലിയ ആതിഥേയരായ ദക്ഷിണാഫ്രിക്കയുടെ പോരാട്ടം വെറും 162 റണ്‍സില്‍ അവസാനിപ്പിച്ചു. രണ്ടാം ദിനം കളി നിര്‍ത്തുമ്പോള്‍ ആസ്‌ത്രേലിയ 189 റണ്‍സിന്റെ ലീഡുമായാണ് കളം വിട്ടത്. അഞ്ച് വിക്കറ്റുകള്‍ വീഴ്ത്തിയ മിച്ചല്‍ സ്റ്റാര്‍ക്കിന്റെ മാരക പേസിന് മുന്നിലാണ് ദക്ഷിണാഫ്രിക്കന്‍ ബാറ്റിങ് നിര തകര്‍ന്നടിഞ്ഞത്. നതാന്‍ ലിയോണ്‍ മൂന്ന് വിക്കറ്റെടുത്തു. ആതിഥേയര്‍ക്കായി 71 റണ്‍സെടുത്ത് ഡിവില്ല്യേഴ്‌സ് പുറത്താകാതെ പൊരുതി നന്നെങ്കിലും മറ്റൊരാളും പിന്തുണച്ചില്ല. നേരത്തെ മധ്യനിര താരം മിച്ചല്‍ മാര്‍ഷ് നേടിയ (96) അര്‍ധ സെഞ്ച്വറിയാണ് ഓസീസിന് മികച്ച സ്‌കോര്‍ സമ്മാനിച്ചത്.