കല്‍പ്പറ്റ: കനത്ത മൂടല്‍മഞ്ഞില്‍ വയനാട് മുത്തങ്ങയില്‍ കാര്‍ നിയന്ത്രണം വിട്ടു മറിഞ്ഞു. നാലു പേര്‍ക്കു പരുക്കേറ്റു. തൃശൂര്‍ സ്വദേശികളായ അരുണ്‍, മുഹമ്മദ് അജീര്‍, ഭാര്യ ഷാഹിന, മൂന്ന് വയസുകാരന്‍ മുഹമ്മദ് അയാന്‍ എന്നിവര്‍ക്കാണ് പരുക്കേറ്റത്.

നിസാര പരുക്കേറ്റ ഇവരെ ബത്തേരി സ്വകാര്യ ആശുപത്രിയില്‍ പ്രവേശിപ്പിച്ചു. ഇന്നു പുലര്‍ച്ചെ 5.30നു കല്ലൂര്‍ 67 നു സമീപം വനപാതയിലാണ് അപകടം. മൈസൂര്‍ ഭാഗത്തേക്ക് പോകുന്ന കാറാണ് അപകടത്തില്‍പെട്ടത്.