മലപ്പുറം: ജില്ലയില്‍ നിയമസഭാ തെരഞ്ഞെടുപ്പ് പ്രക്രിയ ഭംഗിയായി പൂര്‍ത്തിക്കുന്നതിന് പ്രയത്‌നിച്ച  ഉദ്യോഗസ്ഥര്‍ക്ക് ജില്ലാ തെരഞ്ഞെടുപ്പ് ഉദ്യോഗസ്ഥന്‍ കൂടിയായ ജില്ലാ കലക്ടര്‍ എസ് വെങ്കടേശപതി  മൊമന്റോയും അനുമോദന സര്‍ട്ടിഫിക്കറ്റും സമ്മാനിച്ചു. കലക്ടറേറ്റ് സമ്മേളന ഹാളില്‍ നടന്ന  പരിപാടിയില്‍ ജില്ലാ പൊലിസ് മേധാവി കെ വിജയന്‍, പെരിന്തല്‍മണ്ണ സബ് കലക്ടര്‍ ജാഫര്‍  മാലിക്, എ.ഡി.എം ചുമതലയുള്ള ഡെപ്യൂട്ടി കലക്ടര്‍ പി മോഹനന്‍, ഇലക്ഷന്‍ ഡെപ്യൂട്ടി  കലക്ടര്‍ സി.വി സജന്‍, ഡെപ്യൂട്ടി കലക്ടര്‍മാരായ മുരളീധരന്‍പിള്ള, പി.വി നളിനി,  ഫിനാന്‍സ് ഓഫീസര്‍ ടി കൃഷ്ണന്‍, മണ്ഡലം വരണാധികാരികള്‍, വിവിധ വിഭാഗങ്ങളുടെ നോഡല്‍  ഓഫിസര്‍മാര്‍ പങ്കെടുത്തു.