കണ്ണൂര്‍: പയ്യന്നൂര്‍ കോളജില്‍ കെ.എസ്.യു പ്രവര്‍ത്തകര്‍ക്കു നേരെ ഭീകരന്മാരെപ്പോലും നാണിപ്പിക്കുന്ന തരത്തില്‍ എസ്.എഫ്.ഐ അക്രമം നടത്തുകയാണെന്ന് ഡി.സി.സി പ്രസിഡന്റ് സതീശന്‍ പാച്ചേനി. വിദ്യാര്‍ഥികളെ അക്രമിച്ച് സംഘടനാ പ്രവര്‍ത്തനത്തില്‍ നിന്ന് മാറ്റിനിര്‍ത്താമെന്ന് വ്യാമോഹിക്കുന്നവര്‍ക്ക് ശക്തമായ പ്രതിഷേധം നേരിടേണ്ടി വരുമെന്നും എസ്.എഫ്.ഐയുടെ ഫാസിസ്റ്റ് കാട്ടാളത്തത്തിനെതിരേ കോണ്‍ഗ്രസ് ശക്തമായ പ്രക്ഷോഭ പരിപാടികള്‍ ആരംഭിക്കുമെന്നും പാച്ചേനി പറഞ്ഞു.