കാഞ്ഞങ്ങാട്: മാര്‍ച്ച് 21 മുതല്‍ 25 വരെ കാഞ്ഞങ്ങാട് എസ്.എന്‍ പോളിയില്‍ നടക്കുന്ന സംസ്ഥാന പോളികലോത്സത്തിന്റെ ലോഗോ പ്രകാശനവും വെബ് സൈറ്റ് ഉദ്ഘാടനവും പോളി കാംപസില്‍ നടന്നു. കാഞ്ഞങ്ങാട് ബ്ലോക്ക് പഞ്ചായത്ത് പ്രസിഡന്റ് എം. ഗൗരി വെബ് സൈറ്റ് പ്രകാശനം ചെയ്തു. പ്രോഗ്രം കമ്മിറ്റി ചെയര്‍മാന്‍ പി.വി ചന്ദ്രന്‍ അധ്യക്ഷനായി.
കാഞ്ഞങ്ങാട് നഗരസഭാ വൈസ് ചെയര്‍പേഴ്‌സണ്‍ എല്‍. സുലൈഖ പ്രസ്‌ഫോറം സെക്രട്ടറി ടി.കെ നാരായണന് ലോഗോ കൈമാറി. തൃക്കരിപ്പൂര്‍ ഗവ.പോളി മുന്‍ചെയര്‍മാന്‍ ശ്രീരാഗാണ് ലോഗോ ഡിസൈന്‍ ചെയ്തത്. വെബ് സൈറ്റ് തൃശ്ശൂരിലെ വിശാഖാണ് ഡിസൈന്‍ ചെയ്തത്.
സംഘാടകസമിതി കണ്‍വീനര്‍ കെ. മഹേഷ് , സംസ്ഥാന പോളി യൂനിയന്‍ ചെയര്‍മാന്‍ കെ. ബീബിഷ്, ലേഡി ചെയര്‍പേഴ്‌സണ്‍ എസ്. ബബിത, എം. ജയചന്ദ്രന്‍, എം.പി സതീശന്‍, സംസ്ഥാന പോളിയൂനിയന്‍ ജനറല്‍ സെക്രട്ടറി ജെ. എസ് വിവേക്, അഖില്‍ മോഹന്‍ എന്നിവര്‍ സംസാരിച്ചു.
7500 കലാപ്രതിഭകളാണ് 65 ഇനങ്ങളിലായി മത്സരിക്കുക.