മട്ടാഞ്ചേരി : ജപ്പാനില്‍ നടക്കുന്ന ബ്ലെയ്ന്‍ഡ് ഏഷ്യന്‍ ഫുട്‌ബോള്‍ ചാംപ്യന്‍ഷിപ്പില്‍ ഇന്ത്യയെ പ്രതിനിധീകരിച്ചു പങ്കെടുക്കുന്ന മട്ടാഞ്ചേരി പനയപ്പള്ളി സ്വദേശി സി.എസ് ഫര്‍ഹാന് നാടിന്റെ ആദരവ്. മൗലാന ആസാദ് ലൈബ്രറിയുടെ ആഭിമുഖ്യത്തിലാണ് ചടങ്ങ് സംഘടിപ്പിച്ചത്. ഡല്‍ഹിയില്‍ നടന്ന ദേശീയ മത്സരത്തില്‍ കേരളം രണ്ടാം സ്ഥാനം നേടുന്നതില്‍ ഫര്‍ഹാന്‍ വഹിച്ച പങ്ക് കണക്കിലെടുത്താണ് സെലക്ടര്‍മാര്‍ ഇന്ത്യന്‍ ടീമിലേക്ക് പരിഗണിച്ചത്.
21മുതല്‍ 25 വരെയാണ് മത്സരം.സ്വീകരണ സമ്മേളനം കൗണ്‍സിലര്‍ ഷീബലാല്‍ ഉദ്ഘാടനം ചെയ്തു. പി. എം മുരളീധരന്‍ അധ്യക്ഷത വഹിച്ചു. ഫുട്‌ബോള്‍ പരിശീലകന്‍ റൂഫസ് ഡിസൂസ ഉപഹാര സമര്‍പ്പണം നടത്തി.
കൗണ്‍സിലര്‍ സുനിത അഷറഫ് പൊന്നാടയണിയിച്ചു.അന്തര്‍ ദേശീയ ഗുസ്തി റഫറി എം.എം സലീം, വെട്രന്‍സ് ഫുട്‌ബോള്‍ അസോസിയേഷന്‍ പ്രസിഡന്റ് കെ.എം ഹസ്സന്‍ ,മൗലാന ആസാദ് ലൈബ്രറി സെക്രട്ടറി എന്‍.കെ.എം ഷരീഫ്, ഇ.കെ അബ്ദു കോയ എന്നിവര്‍ സംസാരിച്ചു.