പാനൂര്‍: ബാലഗോകുലം ജില്ലാ ഉപാധ്യക്ഷന്റെ വീടിനു നേരെ അക്രമം. പൊയിലൂര്‍ മരപ്രവന്റെവിടെ അജയകുമാറിന്റെ വീടിനു നേരെയാണ് ഇന്നലെ പുലര്‍ച്ചെ അക്രമമുണ്ടായത്. മുന്‍വശത്തെ ജനല്‍ചില്ലുകള്‍ തല്ലിതകര്‍ത്തു.
ബി.ജെ.പി പ്രവര്‍ത്തകനായ വടക്കയില്‍ ബാബുവിന്റെ വീടിനു നേരെയും അക്രമമുണ്ടായി. പൊയിലൂര്‍ ശ്രീമുത്തപ്പന്‍ മടപ്പുര തിറയോടനുബന്ധിച്ച് പ്രദേശത്ത് വിളിച്ചുചേര്‍ത്ത സമാധാന യോഗതീരുമാനം കാറ്റില്‍ പറത്തിയാണ് സി.പി.എം അക്രമം നടത്തിയതെന്ന്്ബി.ജെ.പി ആരോപിച്ചു.
നേതാക്കളായ വി.പി സുരേന്ദ്രന്‍, മനോജ് പൊയിലൂര്‍, കെ.വി പ്രമോദ് എന്നിവര്‍ അക്രമിക്കപ്പെട്ട വീടുകള്‍ സന്ദര്‍ശിച്ചു.