പെരിന്തല്‍മണ്ണ: മുസ്‌ലിംലീഗ് 70ാം വാര്‍ഷികാഘോഷങ്ങളുടെ ഭാഗമായി കട്ടുപ്പാറ മുസ്‌ലിംയൂത്ത് ലീഗ്, എം.എസ്.എഫ് പ്രവര്‍ത്തകര്‍ താഴെക്കോട് മേലേച്ചേരി ആദിവാസി കോളനിയിലെത്തി ഭക്ഷണവും വസ്ത്രവും വിതരണം ചെയ്തു.
ഇവിടെ സംഘടിപ്പിച്ച യോഗം വാര്‍ഡ് മുസ്‌ലിംലീഗ് സെക്രട്ടറി തോട്ടുങ്ങല്‍ മുഹമ്മദ് കുട്ടിയും വസ്ത്ര വിതരണം മണ്ഡലം മു്‌സലിംയൂത്ത് ലീഗ് പ്രസിഡന്റ് നഹാസ് പാറക്കലും ഭക്ഷണ വിതരണം അബൂബക്കര്‍ ചെമ്മലയും ഉദ്ഘാടനം ചെയ്തു.
വാര്‍ഡ് മുസലിം യൂത്ത് ലീഗ് പ്രസിഡന്റ് അബ്ദുള്ള ബംഗ്ലാവില്‍ അധ്യക്ഷനായി. സി.ടി നൗഷാദലി, സിദ്ദീഖലി വാഫി, റഷീദ് മേലാറ്റൂര്‍, ഷമീര്‍ പൊന്നേത്ത്, ഫത്താഹ് താഴെക്കോട്, ഷഫീഖ് കുന്നത്ത്, പി.ശുഹൈബ്, തോട്ടുങ്ങല്‍ മുഹമ്മദ് കുട്ടി നേതൃത്വം നല്‍കി.