മണ്ണഞ്ചേരി: മണ്ണഞ്ചേരി വള്ളക്കടവ് ഭാഗത്ത് നിന്നുളള റോഡുകള്‍ അടിയന്തിരമായി സഞ്ചാര യോഗ്യമാക്കണമെന്ന് എസ്.വൈ.എസ് മണ്ണഞ്ചേരി ടൗണ്‍ കണ്‍വന്‍ഷന്‍ ആവശ്യപ്പെട്ടു.
കായലോരമുള്‍പ്പടെ കിഴക്ക് ഭാഗത്തുളള ജനങ്ങള്‍ക്ക് മണ്ണഞ്ചേരിയിലേയ്ക്ക് എത്തുന്നതിനുളള ഏക ആശ്രയമായ റോഡ് സഞ്ചാരയോഗ്യമല്ലാതായിട്ട് വര്‍ഷങ്ങളായി. ആയിരത്തിലധികം കുടുംബങ്ങള്‍ ആശ്രയിക്കുന്ന മണ്ണഞ്ചേരി കിഴക്കെ മഹല്‍ ജമാഅത്ത്പള്ളി റോഡും പൂര്‍ണമായും പൊട്ടിപൊളിഞ്ഞ നിലയിലാണ്. അധികൃതരുടെ അനാസ്ഥയ്ക്ക് എതിരെ ബന്ധപ്പെട്ട അധികാരികളെ സമീപിക്കാന്‍ കണ്‍വന്‍ഷന്‍ തീരുമാനിച്ചു.
കിഴക്കെ മഹല്‍ മുസ്‌ലിം ജമാഅത്ത് കമ്മിറ്റി ജനറല്‍ സെക്രട്ടറി മൈതീന്‍കുഞ്ഞ് മേത്തര്‍ പുത്തന്‍പറമ്പ് കണ്‍വന്‍ഷന്‍ ഉദ്ഘാടനം ചെയ്തു. എസ്.വൈ.എസ് സ്റ്റേറ്റ് ഓര്‍ഗനൈസിങ് സെക്രട്ടറി നിസാര്‍ പറമ്പന്‍ മുഖ്യ പ്രഭാഷണം നടത്തി. മണ്ണഞ്ചേരി ഇസ്‌ലാമിക് സെന്റര്‍ ജനറല്‍ സെക്രട്ടറി ടി.എ അഷറഫ് കുഞ്ഞാശാന്‍, നാലുതറ അഹ്മദ് മൗലവി ഇസ്‌ലാമിക് സെന്റര്‍ ജനറല്‍ സെക്രട്ടറി, എന്‍.എ മുഹമ്മദ് ഇഖ്ബാല്‍, സലീം അങ്ങാടി സ്ഥലം, എം. അബ്ദുല്‍ ഖാദര്‍ കുഞ്ഞ് നരിക്കാട്, സന്‍ജാന്‍ അബൂബക്കര്‍ അമ്പാട്, സലീം കോവൂര്‍, ഹമീദ് കുഞ്ഞാശാന്‍ പ്രസംഗിച്ചു.പുതിയ ഭാരവാഹികളായി എം. അബ്ദുല്‍ ഖാദര്‍ കുഞ്ഞ് നരിക്കാട് (പ്രസിഡന്റ്),ഹാമിദ് കുഞ്ഞാശാന്‍ കളത്തില്‍, നൗഫല്‍ പി. അട്ടിപ്പുര, സലീം കോവൂര്‍ (വൈസ് പ്രസിഡന്റ്മാര്‍),സന്‍ജാന്‍ അബൂബക്കര്‍ അമ്പാട് (ജനറല്‍സെക്രട്ടറി), മുഹമ്മദ് മേത്തര്‍ വാഴവേലി, അനീസ് മുഹമ്മദ് കായംപള്ളി,അര്‍ഫാസ് തോപ്പില്‍,അഹമ്മദ്കുഞ്ഞാശാന്‍ തറേക്കടവ് (സെക്രട്ടറിമാര്‍), വൈ.അബ്ദുല്‍ ഖാദര്‍ കുറുന്തോടത്ത് (ട്രഷറര്‍).