ഇരിട്ടി(കണ്ണൂര്‍): ഇരിട്ടി കിളിയന്തറ ചെക്ക്‌പോസ്റ്റില്‍ നടത്തിയ പരിശോധനയില്‍ എക്‌സൈസ് ഉദ്യോഗസ്ഥര്‍ വെടിയുണ്ടകള്‍ പിടിച്ചെടുത്തു.
കര്‍ണാടകയില്‍ നിന്ന് വരികയായിരുന്ന സ്വകാര്യബസിലെ ബര്‍ത്തില്‍ സൂക്ഷിച്ച നിലയിലുണ്ടായിരുന്ന പത്ത് വെടിയുണ്ടകള്‍ കണ്ടെത്തിയത്. എന്നാല്‍ ഇതുമായി ബന്ധപ്പെട്ട് ആരേയും പിടികൂടാന്‍ സാധിച്ചിട്ടില്ല.എക്‌സൈസ് ഇന്‍സ്‌പെക്ടര്‍ സച്ചിദാനന്ദന്‍, പ്രിവന്റീവ് ഓഫിസര്‍മാരായ കെ. അശോകന്‍, കെ.പി പ്രമോദ്, സിവില്‍ എക്‌സൈസ് ഓഫിസര്‍മാരായ ഇ.ടി ദിനേശന്‍, കെ.എ കുഞ്ഞുമോന്‍ തുടങ്ങിയവരുടെ നേതൃത്വത്തിലായിരുന്നു വാഹന പരിശോധന നടത്തിയത്.