കോഴിക്കോട്: കെ.എസ്.യു ജില്ലാ കമ്മിറ്റിയുടെ ആഭിമുഖ്യത്തില്‍ ഡെലിഗേറ്റ് മീറ്റ് സംഘടിപ്പിച്ചു. ഡി.സി.സി രാജീവ് ഗാന്ധി ഓഡിറ്റോറിയത്തില്‍ നടന്ന സംഗമം ഡി.സി.സി ജനറല്‍ സെക്രട്ടറി നിജേഷ് അരവിന്ദ് ഉദ്ഘാടനം ചെയ്തു.
കാലിക്കറ്റ് യൂനിവേഴ്‌സിറ്റിയില്‍ എല്ലാതലങ്ങളിലും പത്തു ശതമാനം ഫീസ് വര്‍ധിപ്പിച്ച നടപടി പിന്‍വലിക്കണമെന്ന് സംഗമം ആവശ്യപ്പെട്ടു.
  കെ.എസ്.യു ജില്ലാ പ്രസിഡന്റ് വി.പി ദുല്‍ക്കിഫില്‍ അധ്യക്ഷനായി. സംസ്ഥാന സെക്രട്ടറി കെ.എം അഭിജിത്ത്, ജില്ലാ ഭാരവാഹികളായ സൂഫിയാന്‍ ചെറുവാടി, വിശാഖ് പന്തീരങ്കാവ്, അസീസ് മാവൂര്‍, ഷാഹിദ് കടലുണ്ടി സംസാരിച്ചു.