നെടുമ്പാശ്ശേരി: കാര്‍ഡ് ബോര്‍ഡ് പെട്ടിയുടെ വശങ്ങളില്‍ തകിട് രൂപത്തിലാക്കി ഒളിപ്പിച്ചുകടത്താന്‍ ശ്രമിച്ച 973 ഗ്രാം സ്വര്‍ണം നെടുമ്പാശ്ശേരി വിമാനത്താവളത്തില്‍ കസ്റ്റംസ് എയര്‍ ഇന്റലിജന്‍സ് വിഭാഗം പിടികൂടി. ഇത്തിഹാദ് എയര്‍വെയ്‌സ് വിമാനത്തില്‍ നെടുമ്പാശ്ശേരിയിലെത്തിയ കോഴിക്കോട് സ്വദേശിയാണ് കസ്റ്റംസിന്റെ പിടിയിലായത്. ഇയാള്‍ ലഗേജായി കൊണ്ടുവന്ന കാര്‍ഡ് ബോര്‍ഡ് പെട്ടിയുടെ വശങ്ങളിലും പെട്ടിക്കകത്ത് ഉണ്ടായിരുന്ന കാര്‍ഡ് ബോര്‍ഡ് ഷീറ്റുകള്‍ക്കിടയിലുമാണ് സ്വര്‍ണം ഒളിപ്പിച്ചിരുന്നത്. പിടിച്ചെടുത്ത സ്വര്‍ണത്തിന് 30 ലക്ഷം രൂപ വില വരും.