തിരുവന്തപുരം:  നവകേരള യാത്രക്കിടയില്‍ കരിങ്കൊടി കാണിച്ച യൂത്ത് കോണ്‍ഗ്രസ് പ്രവര്‍ത്തകരെ മര്‍ദിച്ച കേസ് അട്ടിമറിച്ച സംഭവത്തില്‍ എ.ഡി.ജി.പി എം.ആര്‍. അജിത് കുമാറിന് സസ്‌പെന്‍ഷന്‍. 
പുതിയ മന്ത്രിസഭ അധികാരമേറ്റ ശേഷം ഇത് അന്വേഷിക്കാന്‍ പ്രത്യേക അന്വേഷണ ഉദ്യാഗസ്ഥരെ നിയോഗിച്ചിരുന്നു. ഇതിന്റെ അടിസ്ഥാനത്തില്‍ എം.അര്‍. അജിത് കുമാറിനോട് കഴിഞ്ഞ ദിവസം വിശദീകരണം തേടിയിരുന്നു. ഇതിന്റെ ഇടയിലാണ് ഇപ്പോള്‍ സസ്‌പെന്‍ഷന്‍ വന്നത്.

എ.ഡി.ജി.പി ഓഫീസിലെ രണ്ട് ഗ്രേഡ് എസ്.ഐമാര്‍ നല്‍കിയ മൊഴിയാണ് അജിത് കുമാറിന് തിരിച്ചടിയായിരിക്കുന്നത്. കേസ് അട്ടിമറിച്ച് കോടതിയില്‍ സമര്‍പ്പിക്കാനുള്ള റെഫര്‍ റിപ്പോര്‍ട്ട് തയാറാക്കാനും നിര്‍ദേശിച്ചത് അജിത് കുമാറാണെന്നാണ് എസ്.ഐമാരുടെ മൊഴി.