HOME
DETAILS

ആസിയാന്‍ ഉച്ചകോടി സമാപിച്ചു

  
backup
March 19 2018 | 01:03 AM

%e0%b4%86%e0%b4%b8%e0%b4%bf%e0%b4%af%e0%b4%be%e0%b4%a8%e0%b5%8d%e2%80%8d-%e0%b4%89%e0%b4%9a%e0%b5%8d%e0%b4%9a%e0%b4%95%e0%b5%8b%e0%b4%9f%e0%b4%bf-%e0%b4%b8%e0%b4%ae%e0%b4%be%e0%b4%aa%e0%b4%bf%e0%b4%9a


സിഡ്‌നി: അമേരിക്കയുടെ വ്യാപാരനയങ്ങളില്‍ ശക്തമായ വിമര്‍ശം രേഖപ്പെടുത്തിയ ആസിയാന്‍ ഉച്ചകോടിക്ക് ആസ്‌ത്രേലിയയില്‍ സമാപനം. കൊറിയന്‍ ഭൂഖണ്ഡത്തിലെ സംഘര്‍ഷസ്ഥിതിയും മൂന്നു ദിവസം നീണ്ടുനിന്ന ഉച്ചകോടിയില്‍ ചര്‍ച്ചയായി.
ഉച്ചകോടിയില്‍ ആങ് സാന്‍ സൂകിക്കെതിരേ കടുത്ത വിമര്‍ശമുയര്‍ന്നതായാണു ലഭിക്കുന്ന വിവരം. റോഹിംഗ്യകള്‍ക്കെതിരായ കൂട്ടക്കുരുതിയെ കുറിച്ച് പ്രത്യേക ആസിയാന്‍ സമിതിയുടെ നേതൃത്വത്തില്‍ സ്വതന്ത്ര അന്വേഷണം വേണമെന്ന് മലേഷ്യ ആവശ്യപ്പെട്ടു. വിഷയം ആഴത്തില്‍ തന്നെ ചര്‍ച്ച ചെയ്തതായി ആസ്‌ത്രേലിയന്‍ പ്രധാനമന്ത്രി മാല്‍ക്കം ടേണ്‍ബുള്‍ മാധ്യമപ്രവര്‍ത്തകരെ അറിയിച്ചു. തെക്കു-കിഴക്കന്‍ രാജ്യങ്ങളുടെ കൂട്ടായ്മയാണ് ആസിയാന്‍(അസോസിയേഷന്‍ ഓഫ് സൗത്തീസ്റ്റ് ഏഷ്യന്‍ നാഷന്‍സ്). ഇന്തോനേഷ്യ, തായ്‌ലന്‍ഡ്, വിയറ്റ്‌നാം, സിംഗപ്പൂര്‍, ഫിലിപ്പൈന്‍സ്, മലേഷ്യ, കംബോഡിയ, മ്യാന്മര്‍, ലാവോസ്, ബ്രൂണേ എന്നിവയാണ് അംഗരാജ്യങ്ങള്‍. 1975 മുതല്‍ ആസിയാന്‍ കൂട്ടായ്മയുടെ സഖ്യകക്ഷിയായി പ്രവര്‍ത്തിക്കുന്ന ആസ്‌ത്രേലിയ ഇതാദ്യമായാണ് സംഘത്തിന്റെ ഉച്ചകോടിക്ക് ആതിഥ്യം വഹിക്കുന്നത്.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."