HOME
DETAILS

സ്വപ്നങ്ങള്‍ക്ക് നിറമേകാന്‍ ആസിം നിക്ക് ഉട്ടിനെയും കാണാനെത്തി

  
backup
March 19 2018 | 01:03 AM

%e0%b4%b8%e0%b5%8d%e0%b4%b5%e0%b4%aa%e0%b5%8d%e0%b4%a8%e0%b4%99%e0%b5%8d%e0%b4%99%e0%b4%b3%e0%b5%8d%e2%80%8d%e0%b4%95%e0%b5%8d%e0%b4%95%e0%b5%8d-%e0%b4%a8%e0%b4%bf%e0%b4%b1%e0%b4%ae%e0%b5%87%e0%b4%95

കോഴിക്കോട്: തന്റെ സ്വപ്നങ്ങള്‍ക്ക് നിറമേകാന്‍ എവിടെയും പോകാന്‍ തയാറാണ് ആസിം. വിഖ്യാത ഫോട്ടോഗ്രാഫര്‍ നിക് ഉട്ട് കോഴിക്കോട്ടെത്തിയപ്പോള്‍ അദ്ദേഹത്തെ നേരില്‍കണ്ട് തന്റെ ആഗ്രഹങ്ങള്‍ പറയാനും ആസിം മറന്നില്ല.
ജന്മനാ കൈകള്‍ക്കും കാലിനും വൈകല്യം ബാധിച്ച ആസിം താന്‍ പഠിക്കുന്ന വെളിമണ്ണ യു.പി സ്‌കൂള്‍ ഹൈസ്‌കൂള്‍ ആയി ഉയര്‍ത്താന്‍ മുഖ്യമന്ത്രിയടക്കം പലരെയും സമീപിച്ചിരുന്നു. ആവശ്യങ്ങള്‍ നിരാകരിച്ചതോടെ നിരാശയില്‍ പിന്മാറാന്‍ അവന്‍ തയാറായില്ല.


ഇതേ ആവശ്യവുമായാണ് ആസിം വടകര സര്‍ഗാലയയിലെത്തി നിക് ഉട്ടിനെ സന്ദര്‍ശിച്ചത്. തന്റെ ആഗ്രഹങ്ങള്‍ ബോധിപ്പിച്ച ആസിം അദ്ദേഹത്തിനു വേണ്ടി കാലുകൊണ്ട് ചിത്രം വരച്ചു. അദ്ദേഹം കാമറയില്‍ പകര്‍ത്തി. തിരുവന്തപുരത്തു എത്തുമ്പോള്‍ വിഷയം മുഖ്യമന്ത്രിയുടെ ശ്രദ്ധയില്‍ പെടുത്താമെന്ന് ഉറപ്പും നല്‍കിയാണ് നിക് ഉട്ട് ആസിമിനെ തിരിച്ചയച്ചത്. കൂടെ പിതാവ് സഹീദ് യമാനി, സാമൂഹ്യ പ്രവര്‍ത്തകന്‍ നൗഷാദ് തെക്കയില്‍, ഷമീര്‍ വെളിമണ്ണ എന്നിവരും ഉണ്ടായിരുന്നു.


നിക്ക് ഉട്ടിനെ ലേബര്‍ സൊസൈറ്റി ചെയര്‍മാന്‍ രമേശന്‍പാലേരി, ചീഫ് എക്‌സിക്യുട്ടീവ് ഓഫിസര്‍ പി.പി ഭാസ്‌കരന്‍, എം. രാജേഷ്, എം.ടി സുരേഷ്ബാബു എന്നിവര്‍ ചേര്‍ന്ന് സ്വീകരിച്ചു. കടത്തനാടന്‍ കളരിപ്പയറ്റ്, വാദ്യമേളം എന്നിവയുടെ അകമ്പടിയോടെയായിരുന്നു നിക് ഉട്ടിനെ ആനയിച്ചത്.


 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."