HOME
DETAILS

വിദര്‍ഭയ്ക്ക് കന്നി കിരീടം

  
backup
March 19 2018 | 01:03 AM

%e0%b4%b5%e0%b4%bf%e0%b4%a6%e0%b4%b0%e0%b5%8d%e2%80%8d%e0%b4%ad%e0%b4%af%e0%b5%8d%e0%b4%95%e0%b5%8d%e0%b4%95%e0%b5%8d-%e0%b4%95%e0%b4%a8%e0%b5%8d%e0%b4%a8%e0%b4%bf-%e0%b4%95%e0%b4%bf%e0%b4%b0%e0%b5%80


നാഗ്പൂര്‍: രഞ്ജി ട്രോഫി ചാംപ്യന്‍മാരായ വിദര്‍ഭയ്ക്ക് ഇറാനി ട്രോഫിയും. റസ്റ്റ് ഓഫ് ഇന്ത്യക്കെതിരായ പോരാട്ടം സമനിലയില്‍ അവസാനിച്ചതോടെ ആദ്യ ഇന്നിങ്‌സില്‍ നേടിയ ലീഡിന്റെ ബലത്തിലാണ് വിദര്‍ഭ കിരീടം സ്വന്തമാക്കിയത്. വിദര്‍ഭയുടെ കന്നി ഇറാനി ട്രോഫി കിരീടമാണിത്. ഒന്നാം ഇന്നിങ്‌സില്‍ ഏഴ് വിക്കറ്റ് നഷ്ടത്തില്‍ വിദര്‍ഭ 800 റണ്‍സെന്ന പടുകൂറ്റന്‍ സ്‌കോര്‍ സ്വന്തമാക്കി നിലയുറപ്പിച്ചപ്പോള്‍ റസ്റ്റ് ഓഫ് ഇന്ത്യയുടെ ഒന്നാം ഇന്നിങ്‌സ് 390 റണ്‍സില്‍ അവസാനിച്ചു.
410 റണ്‍സ് ലീഡുമായി രണ്ടാം ഇന്നിങ്‌സ് തുടങ്ങിയ വിദര്‍ഭ വിക്കറ്റ് നഷ്ടമില്ലാതെ 79 റണ്‍സെന്ന നിലയില്‍ നില്‍ക്കേ മത്സരം അവസാനിക്കുകയായിരുന്നു. മൊത്തം 489 റണ്‍സ് ലീഡുമായാണ് അവര്‍ കിരീടം സ്വന്തമാക്കിയത്. കളി അവസാനിക്കുമ്പോള്‍ സഞ്ജയ് (29), വദ്കര്‍ (50) എന്നിവരായിരുന്നു പുറത്താകാതെ ക്രീസില്‍.
വിദര്‍ഭയ്ക്കായി ഒന്നാം ഇന്നിങ്‌സില്‍ വെറ്ററന്‍ താരം വസിം ജാഫര്‍ (286) ഇരട്ട ശതകവും വാംഖഡെ (പുറത്താകാതെ 157), ഗണേഷ് സതീഷ് (120) എന്നിവര്‍ സെഞ്ച്വറിയും നേടിയിരുന്നു. റസ്റ്റിനായി ഹനുമ വിഹാരി (183) സെഞ്ച്വറി നേടി. വാലറ്റത്ത് ജയന്ത് യാദവും (96) പൊരുതി. ജാഫറാണ് കളിയിലെ കേമന്‍.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."