റിയാദ്: അല്‍ ജില പ്രവാസി മലയാളി കൂട്ടായ്മയുടെ ഒന്നാം വാര്‍ഷികാഘോഷത്തിന്റെ ഭാഗമായി അല്‍ ജില അബ്ദുള്ള ഖുവൈഫില്‍ അല്‍ ഖഹത്താനി ഓഡിറ്റോറിയത്തില്‍ വെച്ച് സംഘടിപ്പിച്ച വാര്‍ഷികാഘോഷങ്ങള്‍ ജനപങ്കാളിത്തം കൊണ്ടും സാമൂഹ്യ പ്രവര്‍ത്തകരുടെ സംവാദങ്ങള്‍ കൊണ്ടും ശ്രദ്ധേയമായി. വൈകീട്ട് നടന്ന സാംസ്‌കാരിക പരിപാടിയില്‍ പ്രസിഡന്റ് അഹമ്മദ് സലാം അധ്യക്ഷനായി. ടി.പി ചന്ദ്രന്‍ ഉദ്ഘാടനം ചെയ്തു. പീസ് ഇന്ത്യാ ഫൗണ്ടറും, പി.എം.എഫ്-ജി.സി.സി.കോ-ഓഡിനേറ്ററും റിയാദിലെ പ്രശസ്ത സാമൂഹിക സാംസ്‌ക്കാരിക ജീവ കാരുണ്യ പ്രവര്‍ത്തകനുമായ ലത്തീഫ് തെച്ചി, ആനുകാലിക പ്രവാസി വിഷയങ്ങള്‍, ജീവകാരുണ്യം, പുനരധിവാസം, എന്നീ വിഷയങ്ങളില്‍ മുഖ്യ പ്രഭാഷണം നടത്തി.

പുതിയ ഭാരവാഹികള്‍: സിറാജ് മുക്കം (ഉപദേശക സമിതി ചെയര്‍മാന്‍ ), അഹമ്മദ് സലാം (പ്രസിഡന്റ് ), വിജയന്‍ എസ്. കൊല്ലം, സക്കറിയ ജോര്‍ജ്ജ് (വൈ:പ്രസിഡന്റുമാര്‍), അബ്ദുല്‍ നാസര്‍ തോട്ടുങ്ങല്‍ (ജനറല്‍ സെക്രട്ടറി), ടെറന്‍സ് കൊല്ലം, ടി.പിചന്ദ്രന്‍ ഒഴൂര്‍ (ജോയിന്റ് സെക്രട്ടറിമാര്‍), സിദ്ധീഖ് എ. പുനലൂര്‍ (ട്രഷറര്‍), റിട്ടേണിംഗ് ഓഫീസര്‍മാരായ റഷീദ് സൂപ്പില്‍, ടെറന്‍സ്, സന്തോഷ് കുമാര്‍ എന്നിവര്‍ തിരഞ്ഞെടുപ്പ് നിയന്ത്രിച്ചു.