ഞീഴൂര്‍: മരങ്ങോലിയിലും പരിസര പ്രദേശങ്ങളിലും തെരുവ് നായ്ക്കളുടെ ശല്യം വര്‍ദ്ധിക്കുന്നതായി നാട്ടുകാരുടെ പരാതി. തെരുവ് നായ്ക്കളുടെ ആക്രമണത്തില്‍ രണ്ട് ബൈക്ക് യാത്രക്കാര്‍ക്ക് ഗുരുതരമായി പരിക്കേറ്റു.
ഞീഴൂര്‍ തെങ്ങുംപള്ളി ഹരിദാസ്, മാരിയില്‍ രമണന്‍ എന്നിവര്‍ക്കാണ് പരിക്കേറ്റത്. ഇരുവരേയും ആശുപത്രിയില്‍ പ്രവേശിപ്പിച്ചു. പെരുവ: കൂട്ടമായെത്തിയ തെരുനായാക്കള്‍ ആട്ടിന്‍കുട്ടിയെ കടിച്ചുകീറി. കാരിക്കോട് തുരുത്തേല്‍ റോയിയുടെ ആട്ടിന്‍കുട്ടിയെയാണ് നയാക്കള്‍ കടിച്ചു കീറിയത്. ഇന്നലെ ഉച്ചയോടെ വീടിന് സമീപം പാടത്ത് കെട്ടിയിരുന്ന ആടിനെയും മൂന്ന് കുഞ്ഞുങ്ങളെയുമാണ് നായ്ക്കള്‍ ആക്രമിച്ചത്.
എന്നാല്‍ രണ്ട് ആട്ടിന്‍കുട്ടികള്‍ ഓടി രക്ഷപെട്ടു. ആട്ടിന്‍കുട്ടിയുടെ കാലിനാണ് ഗുരുതരമായി കടിയേറ്റത്. പാടത്ത് കെട്ടിയിരുന്ന മറ്റ് ആടുകള്‍ക്ക് നേരെയും അക്രമണം ഉണ്ടായെങ്കിലും ആളുകള്‍ ബഹളം വച്ചതോടെ നായ്ക്കള്‍ ഓടി രക്ഷപെട്ടു.