തളിപ്പറമ്പ്: സുരേഷ് കീഴാറ്റൂരിന്റെ വീടിനുനേയെുണ്ടായ ആക്രമണത്തെക്കുറിച്ച് പൊലിസ് ശാസ്ത്രീയമായ അന്വേഷണം നടത്തണമെന്ന് സി.പി.എം തളിപ്പറമ്പ ഏരിയ കമ്മിറ്റി. കേസില്‍ പ്രതികള്‍ ആരായാലും അവരെ പിടികൂടി ശിക്ഷിക്കണം. 25ന് നടത്താന്‍ തീരുമാനിച്ച മാര്‍ച്ച് വിജയിപ്പിക്കാന്‍ അവര്‍ ഏതു മാര്‍ഗവും അവലംബിക്കുമെന്നു നേരത്തെ ശ്രുതിയുണ്ടായിരുന്നു. ഈ സാഹചര്യത്തില്‍ ആര്‍.എസ്.എസ്, ബി.ജെ.പി സഹായത്തോടെ സംഘടിപ്പിച്ചതാണോ വീടാക്രണമെന്നു ജനങ്ങളില്‍ സംശയമുണ്ട്. അക്കാര്യവും അന്വേഷണ വിധേയമാക്കണം. ഇപ്പോള്‍ നടന്ന വീടാക്രമണത്തിന്റെ പശ്ചാത്തലത്തില്‍ പുറമെ നിന്നുള്ളവരുടെ വരവുപോക്ക് തടയാനും കീഴാറ്റൂര്‍ നിവാസികളെ പ്രതിസ്ഥാനത്തു നിര്‍ത്തി നിരന്തരം അവഹേളിക്കുന്നതും അവസാനിപ്പിക്കാന്‍ പൊലിസ് കര്‍ശനമായി ഇടപെടണമെന്നും പ്രസ്താവനയില്‍ ആവശ്യപ്പെട്ടു.