കൊടുവായൂര്‍: നെല്‍പാടങ്ങളില്‍ കളനാശിനിപ്രയോഗം വ്യാപകം. വിത്തിറക്കിയ നെല്‍പാടങ്ങളില്‍ ഇടക്കിട ചാറ്റല്‍മഴയെത്തിയതിനാല്‍ കളകള്‍ വര്‍ദ്ധിക്കുമെന്നകാരണത്താലാണ് കഴനാശിനി വ്യാപകമായി ഉപയോഗിക്കുന്നത്.കളകള്‍ നശിപ്പിക്കുന്നതിനായി ഉപയോഗിക്കുന്ന രാസകീടനാശിനികള്‍ മണ്ണിന്റെ നല്ല ഗുണം ഇല്ലാതാക്കുമെന്ന വാദം ഉണ്ടെങ്കിലും ഇത്തവണ കളനാശിനി വ്യാപകമായിട്ടാണ് കൊടുവായൂര്‍ മേഖലയില്‍ ഉപയോഗിക്കുന്നത്. ഗ്ലിപ്‌കോസാറ്റ്, റൗഡപ്പ് മുതലായ കളനാശിനികളേ സര്‍ക്കാര്‍നിരോധിച്ചിട്ടുണ്ടെങ്കിലും അതിര്‍ത്തി പ്രദേശങ്ങളിലെ കീടനാശിനി വ്യാപാര കേന്ദ്രങ്ങളില്‍ ഇത്തരം കളനാശിനികള്‍ ലേമ്പിളില്ലാത്ത കന്നാസുകളില്‍ലഭിക്കുമെന്നതിനാല്‍ വ്യാപകമായിട്ടാണ് നെല്‍കൃഷിയിലും ഇഞ്ചികൃഷിയിലും തുടക്കത്തില്‍തന്നെ ഇവ ഉപയോഗിക്കുന്നത്. ഇവയുടെ ഉപയോഗത്തെ ഇല്ലാതാക്കുവാന്‍ കൃഷിവകുപ്പ് ഉദ്യോഗസ്ഥര്‍ പരിശോധനകള്‍ നടക്കാത്തതാണ് പ്രതിസന്ധികള്‍ക്കുകാരണം മണ്ണിനും വിളകള്‍ക്കും മാരകമായ പ്രത്യാഘാതങ്ങള്‍ ഉണ്ടാക്കുന്ന കളനാശിനികള്‍ക്കെതിരെ കൃഷിവകുപ്പ് നടപടി ശക്തമാക്കണമെന്നാണ് നാട്ടുകാരുടെ ആവശ്യം.