തിരുവനന്തപുരം: നെയ്യാറ്റിന്‍കര പെരുങ്കിടവിള ജങ്ഷനില്‍ സി.പി.എം-കോണ്‍ഗ്രസ് പ്രവര്‍ത്തകര്‍ തമ്മില്‍ സംഘര്‍ഷം. ലാത്തിചാര്‍ജില്‍ നിരവധി പേര്‍ക്ക് പരുക്ക്. യു.ഡി.എഫ് പ്രവര്‍ത്തകര്‍ സി.കെ ഹരീന്ദ്രന്‍ എം.എല്‍.എയെ കൈയേറ്റം ചെയ്യാന്‍ ശ്രമിച്ചതുമായി ബന്ധപ്പെട്ടാണ് സംഘര്‍ഷമുണ്ടായത്.
പെരുങ്കിടവിളയിലെ കോണ്‍ഗ്രസ് പ്രതിഷേധ പ്രകടനം അക്രമാസക്തമായതിനെ തുടര്‍ന്ന് പൊലിസ് ലാത്തിവീശിയിരുന്നു. ഇതില്‍ പ്രകോപിതരായ കോണ്‍ഗ്രസ് പ്രവര്‍ത്തകരാണ് അതുവഴി വാഹനത്തില്‍ വരികയായിരുന്ന എം.എല്‍.എയെ കൈയേറ്റം ചെയ്യാന്‍ ശ്രമിച്ചത്. സംഭവത്തില്‍ പ്രതിഷേധിച്ച് പെരുങ്കിടവിളയില്‍ സി.പി.എമ്മും കോണ്‍ഗ്രസും ഇന്ന് ഹര്‍ത്താലിന് ആഹ്വാനം ചെയ്തു. രാവിലെ ആറു മുതല്‍ വൈകിട്ട് ആറുവരെയാണ് ഹര്‍ത്താല്‍.