ഇസ്‌ലാമാബാദ്: മുന്‍ പ്രസിഡന്റ് പര്‍വേസ് മുശറഫിന് സുരക്ഷ ഒരുക്കാനാകില്ലെന്ന് പാകിസ്താന്‍. നിലവില്‍ ദുബൈയില്‍ കഴിയുന്ന മുശറഫ് അദ്ദേഹത്തിനെതിരേയുള്ള രാജ്യദ്രോഹ, വഞ്ചനാ കേസില്‍ കോടതിയില്‍ ഹാജരാകാനായി പാകിസ്താനിലെത്തുന്നുണ്ട്. ഇതിന്റെ ഭാഗമായി തനിക്കു സുരക്ഷ ഉറപ്പാക്കണമെന്ന് അദ്ദേഹം പാക് സര്‍ക്കാരിനോട് ആവശ്യപ്പെട്ടിരുന്നു. മുശറഫിന് സുരക്ഷയൊരുക്കല്‍ തങ്ങളുടെ പണിയല്ലെന്ന് പാക് പ്രതിരോധ മന്ത്രാലയം വ്യക്തമാക്കി. അദ്ദേഹത്തിനെതിരേ നിലനില്‍ക്കുന്ന രാജ്യദ്രോഹക്കുറ്റം അടങ്ങിയ കേസില്‍ സുരക്ഷാചുമതല പ്രതിരോധ മന്ത്രാലയത്തിനല്ലെന്നും മുശറഫിന്റെ അഭിഭാഷകന്‍ അഖ്തര്‍ ഷായ്ക്ക് നല്‍കിയ മറുപടി കത്തില്‍ മന്ത്രാലയം അറിയിച്ചു.