റിയാദ്: പ്രവാസം അവസാനിപ്പിച്ച് നാട്ടിലേക്കു പോകുന്ന ജിദ്ദ വളാഞ്ചേരി മുനിസിപ്പല്‍ കെ എം സി സി ഉപദേശക സമിതി ചെയര്‍മാന്‍ ഹാഫിസ് ജാഫര്‍ വാഫിക്കും റിയാദിലേക്കു ജോലി മാറിപ്പോകുന്ന ജനറല്‍ സെക്രെട്ടറി ടി.പി. റാഫിക്കും വളാഞ്ചേരി മുനിസിപ്പല്‍ കെ എം സി സി പ്രവര്‍ത്തകര്‍ യാത്രയയപ്പു നല്‍കി.

ഷറഫിയ്യയില്‍ വെച്ച് നടന്ന പരിപാടി വളാഞ്ചേരി മുനിസിപ്പല്‍ മുസ്ലിം ലീഗ് നേതാവ് സയ്യിദ് ഹൈദ്രോസ് കോയ തങ്ങള്‍ ഉത്ഘാടനം ചെയ്തു. പ്രസിഡന്റ് ജാഫര്‍ നീറ്റു കാട്ടില്‍ അധ്യക്ഷത വഹിച്ചു. ഇബ്രാഹിം ഹാജി കാവുംപുറം, പി.പി മജീദ് കാട്ടിപ്പരുത്തി, നാസര്‍ ചങ്ങമ്പള്ളി തുടങ്ങിയവര്‍ ആശംസ പ്രസംഗം നടത്തി. ജാഫര്‍ വാഫിക്കുള്ള ഉപഹാരം സയ്യിദ് ഹൈദ്രോസ് കോയ തങ്ങള്‍ സമ്മാനിച്ചു. ജനറല്‍ സെക്രെട്ടറി ടി.പി റാഫി സ്വാഗതവും അബ്ബാസ് കൊളമംഗലം നന്ദിയും പറഞ്ഞു.